زموږ په اړه

کډوال نيوز د کډوالو له پاره د خبرونو او معلوماتو داسې پاڼه ده چې هدف يې د هغوی د سفر په هر ځای کې له ناسمو او غلطو معلوماتو څخه مخنيوی دی: يعنې د هغوی په اصلي هېواد، د لارې په اوږدو، يا په هغو ځايونو کې چې دوی غواړي نوی ژوند په کې پيل کړي. کډوال نيوز په درو ژبو خپريږي: فرانسوي، عربي او انګليسي.

کډوالي څه نوې پديده نه ده. خلکو تل د لا ښه ژوند په لټه کډه کړې ده. په ۲۰۱۱ کال کې د سوریې د کړکېچ له پيل راهيسې، اروپا د کډوالو له يو تاريخي بحران سره مخامخه ده. هره اوونۍ په زرګونو خلک خپل ژوند په خطر کې اچوي څو د اروپا ساحلونو ته ورسيږي. دا چې له دغه بحران سره څنګه چلند وشي، په اړه يې نظرونه سره وېشلي دي.

د ډاډ او باور وړ معلومات وړاندې کول

په يو شي باندې د نظرونو يووالی شته: کډوال د باور وړ او متوازنو معلوماتو ته اړتيا لري، چې دوی ورته د سفر پر مهال ډېری وخت لاسرسی نه لري. آن مخکې له دې چې خپل کور پرېږدي، کډوال له ډېرو زياتو ضعيفو او ناډاډمنو معلوماتو سره مخامخ وي. څېړنې ښيي چې ډېري کډوال تر ټولو زيات معلومات له انساني قاچاقچيانو څخه اخلي، چې غواړي تېر يې باسي او ناوړه استفاده ورڅخه وکړي.

د درو سترو رسنيو تر منځ همکاري

کډوال نيوز د درو سترو اروپايي رسنيو تر منځ يوه ګډه پروژه ده: فرانس ميديا موند (فرانس ۲۴، د فرانسې نړيواله راډيو، مونت کارلو الدوليه)، د آلمان د عامه خدماتو د نړيوالې رسنۍ دويچه ويله، او د ايټاليې د خبري اژانس (انسا) تر منځ. يوه برخه يې د اروپايي ټولنې له خوا هم تمويليږي.

د فرانس میدیا موند یا (FMM) نشرات هره اوونۍ په ټولې نړۍ کې له ۱۳۵ میلیونو څخه ډیرو مخاطبینو ته رسیږي. د نړۍ په ببلابیلو برخو کې د سلهاو خبریالانو په مټ، فرانس میدیا موندې د نړیوالو خبرونو په برخه کې ځانګړتیا له کبله بیژندل کیږي.

د دویچه ویله (DW) تلویزني او د راډیو خپرونې هر اوونۍ ۱۵۷ کسانو ته رسیږي.

د انسا ايټالوي خبري اژانس په نړۍ کې له لسګونو رسنيو سره د همکارۍ د لارې ورته خبرونه، انځورونه او ويډيوګانې په اختيار کې ورکوي.

کډوال نيوز له اوپن يونيورسيتي يا پرانيستي پوهنتون سره ګډ کار کوي چې د پروژې ارزونه هم ورپه غاړه ده.

مختلفې ژبې، بېلابېلې آسانتياوې

د نن ورځې کډوال ښايي ډېر څه ونه لري، خو ځيرک تليفونونه او ټولنيزې رسنۍ دا امکان ورکوي چې له نړۍ سره په داسې يو ډول په تماس کې پاتې شي چې يو نسل پخوا يې لا څرک نه و. هغوی له خپلو ملګرو، کورنۍ او له نړيوالو خبرونو سره په تماس کې دي کله چې له مختلفو هېوادونو څخه تېريږي. څو دغو ارتباط لرونکو خلکو ته ورسيږي، کډوال نيوز ته لاسرسی هم له بېلو لارو ممکن دی، لکه په تېره ګرځنده تليفون او ټولنيزې رسنۍ.

موخې

کډوالو ته د باور او ډاډ وړ، موثق او متوازن خبرونه او معلومات ورکول د هغو هېوادونو په هکله چې ورڅخه وتلي دي، هغو هېوادونو په اړه چې ورڅخه تېر شوي، او هغو هېوادونو په اړه چې مخه يې ورته کړې ده.