سویس کې د یو نوي فرمان له مخې روغتونونه باید د بې سنده کډوالو په اړه چارواکو ته خبر ورکړي. دا په داسې حال کې ده چې سویسي ډاکټران وایي، دغه فرمان د مسلکي اصولو خلاف دی او دوی باید د ټولو ناروغانو درملنه وکړي.
د بوسنیا په بیهاچ او ویلاکا کلادوشا ښارونو کې د سړې هوا او د پولیسو د تلاشیو له کبله په زرګونو کډوال بند پاتې دي.
د درېو یوناني سازمانونو د یو نوي رپوټ له مخې د ۲۰۱۸م کال له پسرلي راهیسې په زرګونو کډوال او پناه غوښتونکي - چې په ډله کې یې کورنۍ او ماشومان هم دي- له یونان څخه ترکیې ته شړل شوي.
د کالې ښار په ناقانونه کمپونو کې شاوخوا ۵۰۰ کډوال اوسېږي. د کډوالو حقونو مدافع بنسټونه وایي چې د کالې مهاجرو په ډله کې نږدې ۱۰۰ افغانان هم شته. کډوال نیوز تاسو ته د یو افغان کډوال رزاق سلطاني د ژوند په اړه رپوټ درکوي.
د کالې په ناقانونه کمپونو کې ګڼ شمېر کم عمره کډوال اوسېږي. کالې کې د بشري حقونو مدافع سازمانونه وایي چې یاد کډوال له بېلابېلو ستونزو سره مخ دي او ځینې یې په روحي ناروغیو اخته شوي دي. دوی همداراز ټینګار کوي چې د فرانسې پولیس په ځینو مواردو کې له کډوالو سره ناوړه چلند کوي. د کډوال نیوز خبریال له کالې څخه رپوټ ورکوي.
د بشري حقونو د سازمانونو او مدافع بنسټونو په حواله د فرانسې په کالې ښار کې شاوخوا ۵۰۰ کډوال ژوند کوي. یاد کډوال له بېلابېلو هیوادونو سره تړاو لري خو اکثریت یې افغانان، کردان، ایرانیان او افریقایان دي. له کالې څخه د کډوال نیوز خبریال رپوټ ورکوي.
د راپورونو پر اساس د ايران د پيسو د ارزښت په کميدو سره سږکال ډيری افغانان بيرته خپل هيواد ته ستانه شول او يا هم هڅه کوي ترکيې هيواد ته داخل شي او له هغه ځايه ځانونه اروپايي هيوادونو ته ورسوي.
په داسې حال کې چې د افغانستان امنيتي حالات سخت دي او د ژمي موسم را رسېدلی دی، تېره اونۍ د ايران او پاکستان څخه ګڼ شمېر نا راجسټر افغان کډوال خپل هېواد ته ستانه شوي دي.
فرانسه کې د اوکسر یوې محکمې د چهارشنبې په ورځ (د نومبر ۲۱مه نېټه) وویل چې د دې ښار د مهاجرو په یوه ګډ کور کې د دوو مهاجرو ترمنځ د شخړې له امله یو ۲۵ کلن افغان کډوال وژل شوی دی.
د افغان امنیتی چارواکو وایي چې د سه شنبې په ورځ په کابل کې د ودونو په یوه صالون کې د ځانمرګي برید له کبله د وژل شویو شمیر ٥٥ او د ټپیانو شمیر ٨٠ ته رسیدلی دی. په دې صالون کې د افغانستان یو شمیر عالمان د مولود شریف مراسمو له پاره راټول شوي ول.
د افغانستان ولسمشر اشرف غني وایی چې د افغان امنيتي ځواکونو نږدې ٢٩٠٠٠ غړي د ٢١٠٥ کال له پيل راهيسې وژل شوي دي.
د مهاجرینو د قاچاق په اړه نړیواله څېړنه (۲۰۱۸) ښيي چې نه يوازې پاکستانيان د خپل هيواد څخه په ناقانونه طريقو اروپا ته ځي بلکې پاکستان د افغانانو او ځینې بنګاليانو له پاره يوه مهمه ترانزيتي لار هم ده.