د بشري حقونو د څار ادرې په یوه تازه راپور کې ویلي چې له ترکیې سره پر پوله، د بلغاریا چارواکو یو شمیر افغان کډوال له وهلو ډبلو او شکنجې وروسته بیرته ترکیې ته استولي او د دوې د ځپلو لپاره يي له سپیو کار اخیستی. یادې ادارې له اروپايي ټولنې غوښتي چې دا ډول غیر انساني چلند مخه و نیسي.
د ترکیې یوه امنیتي سرچینه وایي چې بلغاریایي پوله ساتونکو لږ تر لږه ۸۴ کډوال چې په ډله کې یې افغانان هم دي په نیمه لوڅ حالت کې ترکیې ته اخراج کړي دي.
اروپایي شورا پرون پنجشنبه د یوه راپور په خپرولو سره د اروپایي ټولنې له پولو څخه په «پراخه کچه» د کډوالو پر شړلو نیوکه وکړه. د یادې شورا په حواله کډوال «په سیستماتیکه او تاوتریخجنه توګه» له اروپایي پولو څخه په شا تمبول کېږي. دغه شورا له اروپایي هیوادونو څخه غواړي چې د کډوالو شړلو ته د پای تکی کېږدي.
پوليسو د آلمان په نارد راين ويستفالن ايالت په بيلو مهاجر کمپونو کي تلاښۍ وکړې. دغه تلاښۍ د يو قتل په تناظر کي تر سره سوي دي.
د ځایي رسنیو په حواله د بلغاریا پولیسو پرون سه شنبه د دغه هیواد په بورګس سیمه کې په یوه لارۍ کې ۶۱ کډوال موندلي دي. له تېرو څو کلونو راهیسې ډېری کډوال په لاریو کې د بلغاریا له لارې د اروپا لوېدېځو هیوادونو ته د راتګ هڅه کوي.
د بلغاریا ځایي رسنۍ وایي چې د دې هیواد سرحدي ځواکونو په یوه میني بس کې ۴۳ تنه افغان کډوال نیولي دي چې د صربیا پولې خوا ته روان وو.
د بلغاريې هيواد و خپل سرحد ته عسکر ليږي چي د ترکيې څخه د ور اوښتونکو مهاجرو مخه ونيسي. دغه عسکر به د سرحدي پوليسو سره مرسته کوي.
بلغاریا حکومت پرون دوشنبه له ترکیې سره پولې ته ۳۵۰ سرتېري استولي دي. بلغاریایي چارواکو ویلي دي چې دغه ځواکونه به له سرحدي پولیسو سره د کډوالو د څپې د مخنیوي لپاره همکاري کوي.
د ځایي رسنیو په حواله بلغاریایي پوله ساتونکو پرون پنجشنبه د اکټوبر ۲۱مه د دغه هیواد په سوېل ختیځه سیمه کې ۱۸ مهاجر او ۵ موټر چلوونکي نیولي دي. د نیول شویو په ډله کې افغانان هم شته.
بلغاریایي ځواکونو پرون چهارشنبه په یوه میني بس کې سپاره ۴۳ مهاجر نیولي دي. نیول شوي کسان ټول د افغانستان اصلي اوسېدونکي دي.
فرانسې د تېرې دوشنبې په ورځ څلور افغان مهاجر د دوبلین د مقرراتو په چوکاټ کې بلغاریا ته اخراج کړي دي. په ورته مهال د استراسبورګ ښار مدافع وکیلان وایي چې ښایي دغه کسان بېرته افغانستان ته ولېږدول شي. په وینا یې افغانستان کې د طالبانو تر واکمنېدو وروسته بلغاریا د افغان مهاجرو د اخراج لړۍ نه ده ځنډولې.
د بلغاریا حکومت پرون پنجشنبه وویل چې د افغان مهاجرو د نویو څپو د ورتګ د مخنیوي لپاره له یونان او ترکیې سره پولې ته ۴۰۰ تر ۷۰۰ نوي سرتېري استوي.