د اوروس سمندر کوچني ټاپو کې یوه پنځه کلنه نجلۍ د تېرې دوشنبې په شپه د لړم د چیچلو له امله مړه شوې ده. نوموړې یوه له هغو ۷۰ کډوالو وه چې له تېرو څو ورځو راهیسې دغه ټاپو کې بند پاتې دي. له دې سره د مړو شمېر څلورو کسانو ته رسېږي.
د ترکیې ساحلي ځواکونه وایي چې خپلو سرحدي اوبو کې یې د یوناني ځواکونو له خوا په شا تمبول شوي ۱۵۰ کډوال ژغورلي دي. چارواکو دغه راز د درېو مهاجرو د مړو د موندل کېدو هم خبر ورکړی دی.
یوناني ځواکونو پرون یکشنبه وویل چې د دغه هېواد د رودس ټاپو په اوبو کې تر ۱۲۰ ډېر کډوال ژغورلي دي چې سمندر کې له ستونزې سره مخ شوي وو.
د بهر میشتو افغانانو نړیواله شورا (AGDC) مسولین په ترکیه کې د افغان کډوالو د ډله ایزې ایستنې په اړه ژوره اندیښنه څرګندوي او د دغه هیواد له چارواکو غواړي چې د افغان کډوالو نیول او د وضعیت تر سمیدو پورې افغانستان ته د دوې استول ودروي. دا په داسې حال کې ده چې له ترکیې څخه د افغانانو د ایستلو پروسه په بې سارې ډول ډیره شوې.
یوه مېندواره افغانه ښځه چې له نورو کډوالو سره یو ځای د سمندر له لارې له ترکیې څخه د یونان پر لور روانه وه، وروسته له هغې یې په کښتۍ کې ماشوم وزېږاوه چې د دوی کښتۍ د یوناني ځواکونو له خوا پر شا وتمبول شوه.
د آلمان د باندنيو چارو وزيرې انالېنا بېربوک ترکيې او يونان ته د خپل سفر له پېلولو مخکي پر دغو هیوادونو غږ کړی چې د کډوالۍ د مسلې په اړه له تورونو لګولو او شخړو لاس واخلي.
ترکېې پر يونان تور پورې کړی چې د مهاجرو یوه کښتۍ يې له خپلو اوبو څخه د ترکېې د اوبو پر لور شړلې ده. په انقره کې د ترکېې دفاع وزارت وېلي دي چې دغه پيښه د يکشنبې په ورځ رودِس ټاپو ته نژدې رامنځ ته شوې ده.
د ترکیې رسنیو د یک یکشنبې په ورځ خبر ورکړ چې ۵۹۲ نور افغان کډوال په درې چارتر الوتکو کې د استانبول او انقرې له هوايي ډګرونو کابل ته استول شي دي. چارواکي ویلي چې روان کال کې له ۵۰ زرو څخه ډیر افغانان په ناقانونه ډول ترکیې ته د ننه شوي.
د ترکیې د کډوالۍ ادارې خبر ورکړی چې په روان میلادي کال کې زرګونه افغان او پاکستانیان یوازې د عامه نظم د کډوډولو په تور بیرته خپلو هیوادونو ته شړل شويدي. چارواکي وايي چې په ترکیه کې د ناقانونه کډوالو پر وړاندې عملیات چټک او پر پولو پراخ محدودیتونه لګول شوي.
شکور چې د افغانستان د کندز ولایت اوسیدونکی دی د لوی اختر په لومړۍ ورځ له ۳۶۳ نورو افغانانو سره یو ځای له ترکیې څخه په یوه الوتکه کې کابل ته واستول شو. د شکور په څیر هره اونۍ سلګونه افغانان د ترکیې د پولیسو لخوا نیول کیږي او بیرته کابل ته استول کیږي.
د ترکیې چارواکي وايي چې امنیتي ځواکونه يي په ازمیر ښار کې ۱۴۳ تنه ناقانونه افغان او سوریايي کډوال نیولي دي. په نیول شویو کسانو کې دوه تنه مشکوک قاچاق وړونکي هم شامل دي.
له تېرو څو میاشتو راهیسې له ترکیې څخه د افغان کډوالو د اخراج لړۍ چټکه شوې ده. د ترکیې د ځایي رسنیو په حواله دغه هېواد د جون میاشتې په وروستیو ورځو کې د افغان کډوالو یوه ۱۳۶ کسیزه ډله افغانستان ته وشړله. په ورته مهال ترکیه کې افغان کډوال وایي چې د پولیسو له خوا د نیول کېدو او افغانستان ته د اخراج له وېرې له خپلو کورونو او د کار ځایونو څخه نه وځي.