د یونان سمندري ځواکونو نن سه شنبه وویل چې د دغه هېواد ساحلي اوبو کې د کښتۍ ډوبېدو نوې پېښې لږترلږه ۳ کډوال وژلي او څه باندې ۲۰ تنه نور لادرکه دي. دا په داسې حال کې ده چې د تېرې یکشنبې په ورځ د لېروس ټاپو اوبو کې د کښتۍ ډوبېدو له امله یوه ښځه او څلور ماشومان مړه شوي وو.
د مهاجرت لپاره د يونان وزير وايي چې و هيواد ته يې د نوو رسېدونکو مهاجرو شمېر په لوړه اندازه راکم شوی دی.
د بې پولې ډاکټرانو نړیوال سازمان وایي چې د تېرې پنجشنبې په ورځ یې د یونان په لېسبوس ټاپو کې تر ۲۰ زیات کډوال موندلي دي چې له دې ډلې څخه درې تنه یې ژوبل شوي او د څلورو نورو کډوالو لاسونه زولانه شوي وو. دغه سازمان په یوه خبرپاڼه کې له کډوالو سره پر تاوتریخجن چلن نیوکه کړې ده.
د یونان ساحلي ځواکونو پرون پنجشنبه وویل چې د اژې سمندر په فولګاندروس ټاپو کې یې د ښځو او ماشومانو په ګډون ۳۷ کډوال موندلي دي. زیاته شوې ده چې دغو مهاجرو له ترکیې څخه د ایټالیا پر لور خپل سفر پیل کړی و.
یوناني چارواکي وایي چې هغه ۳۸ کډوال یې موندلي دي چې د کډوالو په چارو کې د ملګرو ملتونو عالي ادارې په حواله له تېرو څو ورځو راهیسې د اوروس سمندر پر یو کوچني ټاپو ایسار پاتې وو.
یونان پرون پنجشنبه له ترکیې څخه غوښتنه وکړه چې د اوروس سمندر په کوچني ټاپو کې له هغو بند پاتو کډوالو سره مرسته وکړي چې ځینې یې بېړنیو روغتیایي خدماتو ته اړتیا لري. دغه کسان له څو ورځو راهیسې د اوبو، خوراکي توکو او روغتیایي خدماتو پرته د اوروس سمندر په یوه کوچني ټاپو کې ایسار پاتې.
د اوروس سمندر کوچني ټاپو کې یوه پنځه کلنه نجلۍ د تېرې دوشنبې په شپه د لړم له چیچل کېدو وروسته مړه شوې ده. نوموړې یوه له هغو ۷۰ کډوالو وه چې له تېرو څو ورځو راهیسې دغه ټاپو کې بند پاتې دي. له دې سره د مړو شمېر څلورو کسانو ته رسېږي.
یوناني چارواکي وایي چې یوې اریتریایۍ مهاجرې د دغه هیواد په یوه کوچني ټاپو کې چې اژه سمندر کې پروت دی ماشوم زېږولی دی. نوموړې یوه له هغو کډوالو ده چې د سمندر له لارې یې له ترکیې څخه یونان ته د ورتګ هڅه درلوده.
د یونان د مهاجرت وزارت ویلي چې د هغو مهاجرو شمیر مخ په کمیدو دی چې د یونان ټاپوګانو کې د مهاجرو په کمپونو کې ژوند کوي. یاد وزارت ویلي چې د جون په میاشت کې ۷۷۰۰ مهاجر په دغو کمپونو کې ثبت شوي و خو روانه میاشت کې بیا دغه شمیر ۶۹۰۰ تنو ته راټیټ شوی دی.
د آژې سمندر په ختيځ کي واقع د ليروس او کوس ټاپوګانو مهاجر کمپونه تقريبا خالي دي. څو مياشتي تر مخه هلته د مهاجرو شمير ډېر زيات ؤ.
په آلمان کي يو شمير مرستندويه سازمانونه د دغه هيواد له حکومت څخه غوښتي دي چي لا زيات مهاجر دي له يونان څخه آلمان ته راولي.
د يونان هغه مهاجر کمپونه او د نوم ثبتونې مراکز چي د آژه په يوناني ټاپوګانو کي واقع دي، پکښي د مهاجرو شمير کم سوی دی.