په داسې حال کې چې له تېرو څو میاشتو راهیسې د ژېروند دیپارتمنت د نویو اداري توقیف ځایونو د پرانیستلو لپاره هڅې زیاتې کړې، د بشري حقونو مدافع سازمانونه وایي چې دغه توقیف ځایونه باید وتړل شي. دوی زیاتوي چې توقیف ځایونو کې وضعیت ډېر خراب دی او بهرنیانو پکې خپلو حقونو ته لاسرسی نه لري.
فرانسه کې د کورونا ویروس وبا امله د ژمي د اسکان پروګرامونه د دوو میاشتو لپاره تمدید شوي دي. د دې پرېکړې له مخې هغه کسان چې د مارچ میاشتې تر ۳۱مه یې استوګنځیو کې د اوسېدو موده پوره کېږي کولی شي چې د جون میاشتې تر لومړۍ نېټې پورې دغو کورونو کې ژوند وکړي.
د څېړونکو او فعالانو یوه ډله چې د اروپایي پارلمان د ګېڼ اړخې ډلې تر حمایت لاندې فعالیت کوي د مهاجرو د غیرقانوني نیول کېدو په اړه یو راپور خپور کړی دی. دوی وایي چې اروپایي هیوادونو او په ځانګړې توګه ایټالیا، یونان، اسپانیا او جرمني کې د مهاجرو نیول کېدل غیرقانوني او مبهم دي.
د تېرې نومبر له ۳۰مې راهیسې د اسپرو په نامه سازمان د پاریس په سوېلي انتوني سیمه کې د خیاطۍ ورکشاپ جوړ کړی دی. دغه ورکشاپ کې نږدې لس مهاجر ګډون لري. اسپرو وایي چې د دغه ورکشاپ د جوړولو څخه یې هدف دا دی چې مهاجر فرانسه کې مسلکي تجربې ترلاسه کړي.
پولو کې د بهرنیانو سره د مرستې ملي ټولنې یا انافې په بندرونو، هوایي ډګرونو او تمځيو کې د بهرنیانو د زنداني کېدو په اړه په خپل کلني راپور کې یو ځل بیا له بهرنیانو سره د تبعیضي چلند په هکله لیکلی. د انافې په حواله پولو کې امنیتي ځواکونه په خپله خوښه او په غیرقانوني توګه د بهرنیانو استنطاق کوي.
د یو پارلماني راپور له مخې چې تېره چهارشنبه د فرانسې ولسي جرګې ته وړاندې شو دغه هیواد د مهاجرو او پناه غوښتونکو د ادغام په برخه کې لا زیات اقدامات کولی شي. د یاد راپور له دوو لیکوالانو سره مرکه.
د اروپایي ټولنې د پناه غوښتنې او مهاجرت په اړه نوی تړون بېلابېل غبرګونونه راپارولي دي. که څه هم ځینو اروپایي چارواکو د یاد پلان هرکلی کړی، خو سازمانونه بیا وایي چې اروپایي کمېسیون هغو هیوادونو ته تسلیم شوی کوم چې د مهاجرو ضد سیاست لري. بشپړ معلومات دې مطلب کې.
که څه هم یونان کې عمومي ګرځبندیز د مۍ میاشتې په ۴مه پای ته رسېدلی، خو په دې هیواد کې د مهاجرو کمپونه تر اوسه تر قرنطین لاندې دي. په همدې حال کې د بشري حقونو سازمانونه د یوناني چارواکو دغه سیاست د مهاجرو پر وړاندې تبعیضي چلند بولي. د بخښنې نړیوال سازمان د مهاجرت د چارو څېړونکې ادریانا تیدونا سره مرکه.
د پولیسو فشار، تبعیض، د کمپونو د تړلو عملیات، اوبو او روغتیایي خدماتو ته نه لاسرسی: کالې کې مهاجر لا هم په سختو او خرابو شرایطو کې اوسېږي. د دوی په ډله کې ډېری کسان غواړي چې د کالې سرحدي ښار له لارې ځانونه برتانیا ته ورسوي.
شاوخوا دوه اونۍ وړاندې، د ګارند سنت ښاروال د فرانسې په شمال کې د کالې ښار ۴۰ کیلومټرۍ ته د سلګونه بې سرپناه کډوالو د حمام تجهیزات ټول کړل. د نړی ډاکترانو ادارې یو فعال پر دغه ګام سخته نیوکه کړې او ویلي دي « د اوبو او روغتیا ساتنې ته نه پاملرنه، د انساني کرامت تر پښو لاندې کول ګڼل کیږي»
یوه اونۍ تیریږي چې محکمې د ایل دو فرانس پر چارواکو حکم کړی ترڅو په بیړنی ډول کډوالو لپاره د پاریس په شمال شرقي سیمه کې د اوبو او روغتیايي خدماتو آسانتیاوې برابرې کړي خو لاهم دغه ستونزه پر ځای پاتې. د خیریه سازمانونو په وینا د پاریس په سړکونو کې د کډوالو شمیر ډیر شوی خو د اوبو رسولو لپاره کافي امکانات شتون نه لري.
د بریتانیا د کورنیو چارو وزارت د دغه هیواد سرحدي پولیسو ته امر کړی چې د فرانسې په سویل کې د هغو کډوالو د ګوتو نښې ثبت کړي چې غواړي د مانش کانال له لارې بریتانیا ته واوړي. بریتانیا غواړي په دې کار سره ناقانونه کډوال په نښه او فرانسې ته يي ولیږي.