د فرانسې د ماشومانو د حقونو ټولنې په ګډون زیاتو سازمانونو فرانسه کې د کم سنه مهاجرو د برخلیک نه روښانېدو او ورسره د توپیري چلند له امله د ملګرو ملتونو د ماشومانو حقونو کمېټې ته شکایت کړی دی. دوی فرانسه په دې تورنوي چې د ماشومانو له حقونو څخه یې سرغړونه کړې ده.
استرال د اوپن ارمز سازمان د نظارت او څېړنې کښتۍ ده. دغه کوچنۍ کښتۍ مهاجر نه شي انتقالوی، خو سمندر کې د مهاجرو د شتون په اړه چارواکو ته خبر ورکوي. همدارنګه د استرال کارکوونکي د ژغورونکو تر رسېدو پورې مهاجرو ته لومړنې مرستې برابروي.
یوه افغان پناه غوښتونکي چې د تېرې نوامبر میاشتې پر ۱۷مه د سن دني کمپ د تړل کېدو عملیاتو پر مهال د امنیتي ځواکونو له خوا وهل ټکول شوی و د پولیسو د نظارت ادارې ته شکایت ثبت کړی دی.
د بې سرحده ډاکټرانو نوی راپور ښيي چې د ایل دو فرانس په هرکلي مرکزونو او د بهرنیو کارګرو په استوګنځیو کې زیان منونکي کسان چې په ډله کې یې مهاجر هم دي په کورونا ویروس اخته شوي دي. دغه سازمان زیاتوي چې حکومت باید جمنازیمونو کې د خلکو سرپناه ورکولو عملیات پای ته ورسوي.
د دوبلین مقرراتو لغوه کېدل، د مهاجرو د ستنولو پروسې سختېدل، د اروپا بهرنیو پولو کې امنیتي تدابیر: بروکسل پرون چهارشنبه د پناه غوښتنې او کډوالۍ په اړه د اروپايي ټولنې نوې پلان وړاندې کړ. دلته یو څو مهمو ټکو ته اشاره شوې.
د کورونا ویروس کړکېچ له امله دمګړۍ د فرانسې په اداري توقیف خونو کې د بهرنیو بندیانو محاکمه د ویډیو کنفرانس له لارې ترسره کېږي.
د روان میلادي کال په لومړیو ۶ میاشتو کې له ټاپوګانو څخه د یونان مرکزي سیمو ته د مهاجرو د انتقالولو او همدارنګه د دوی د شړلو له کبله یوناني ټاپوګانو کې د مهاجرو په شمېر کې ۲۹،۶ سلنه کموالی راغلی دی. په ورته مهال سازمانونه وایي چې کمپونو کې لا هم تر حده زیات مهاجر ایسار پاتې دي.
د اګسي په نامه ایټالوی سازمان له ایټالیا څخه سلوانیا ته د مهاجرو «غیرقانوني» اخراج غندي او زیاتوي چې دا د اروپایي قوانینو ضد کار دی. په ورته مهال روم له سلوانیا سره د یوې موافقې پر بنسټ دا کار قانوني بولي.
که څه هم له یوې میاشتې راهیسې ایټالیا کې ګرځبندیز پای ته رسېدلی، خو د رویا د ترانزیت کمپ چې په ونتمیل ښار کې موقعیت لري د اپریل له ۱۸مې نېټې راهیسې د مهاجرو پر مخ تړلی دی. دا په داسې حال کې چې نن سبا ونتمیل کې ۱۰۰ تر ۲۰۰ مهاجر په سړکونو کې شپه سبا کوي.
فرانسه کې د ګرځبندیز له کبله ګڼو سازمانونو مهاجرو ته د سرپناه برابرولو پروګرام درولی دی. د همدې لپاره اوس مهال د فرانسې په هوټلونو او سړکونو کې په سلګونو مهاجر لیدل کېږي. بل خوا د اوسېدو ځای برابرولو «بېړنۍ» پروسه هم، چې د شپې له خوا ترسره کېدله، درول شوې ده.
د کورونا ویروس د کړکېچ له کبله د فرانسې روغتیایي بنسټونه له ناروغانو څخه ډک شوي. په داسې حال کې لسګونو پناه غوښتونکي او مهاجر چې د روغتیا په برخه کې مهارت لري وایي که فرانسه دوی ته اړتیا ولري، دوی چمتو دي چې په روغتیایي برخو کې د رضاکارانو په توګه کار وکړي.
فرانسوي چارواکو تېره جمعه کالې ښار کې د مهاجرو د «سرپناه ورکولو» عملیاتو په ترڅ کې نږدې ۱۰۰ کسانو ته د دغې سیمې په مرکزونو کې استوګنځایونه برابر کړي. دغه راز ګراند – سنت سیمه کې نږدې ۳۰ کډوالو ته نن دوشنبه سرپناوې برابرې شوې دي.