شارلوت بواتيو

• فرانسه

ډېرو پناه غوښتونکو کډوال نیوز ته د مهاجرو د نوو بانکي کارتونو په اړه پیغامونه لېږلي دي. دوی وایي چې د نقدو پیسو د نه لرلو له کبله یې ستونزې ډېرې شوې دي. د دغو کډوالو د سترګو لیدلي حال دلته لوستلی شئ.

• افغانستان
• الجزایر
• کروشيا

د روان کال له جولای میاشتې راهیسې ایټالیا ته د تلونکو کډوالو د نیولو له پاره سلوانیایي سرتېرې له ایټالوي عسکرو سره ګډه ګزمه کوي. کډوال نیوز د سلوانیا په کوپر ښار کې له سرتېرو سره لیدلي دي.

• کروشيا
• سلونيا

سلوانیا یو کوچنی هیواد دی چې پناه غوښتونکو ته د سرپنا ورکولو له پاره یوازې یو مرکز پکې جوړ شوی. د «ویچ» په نامه د پناه غوښتونکو مرکز په لیوبلیانا ښار کې موقعیت لري او نږدې ۲۰۰ کډوال پکې اوسېدلی شي. خو اروپا ته راتلونکي کډوال یوازې څو ورځې په دې مرکز کې پاتې کېږي.

• کروشيا
• بوسنيا او هرزګوينا
• سلونيا

له ۲۰۱۵ راهیسې سلوانیا ته له کروېشیا څخه د کډوالو د ننوتلو د مخنیوي له پاره د دغه هیواد حکومت د خپلې سويلي پولې په اوږدو کې خنډونه جوړوي. خو د سلوانیا د ځینو کلیو اوسېدونکي وایي چې دغه خنډونه د کډوالو مخه نه شي نیولی او یوازې د دې هیواد انځور خرابوي.

• یونان

د یونان د لېسبوس ټاپو په موریا کمپ کې پناه غوښتونکي او سازمانونه د کارکوونکو او زېربناوو له نه شتون څخه شکایت لري. یاد کمپ کې یوازې ۳ ډاکټران او لېسبوس ټاپو کې نږدې ۲۰ مدافع وکیلان شته، حال دا چې د موریا د اوسېدونکو شمېر ۱۳ زرو ته رسېږي. سازمانونه وایي چې دغه پنډغالي کې وضعیت د چاودلو په حال کې دی.

• هسپانیه
• ایټالیا
• لیبیا

ګڼ شمېر مهاجر پلوه سازمانونه وایي چې مدیترانه کې یې کښتۍ د کډوالو د ژغورنې عملیاتو د ترسره کولو له امله تر سیاسي فشار لاندې دي. د یادو سازمانونو ځینې کښتۍ ضبطې شوې او کپیتانونه یې د ناقانونه کډوالۍ د ملاتړ په تړاو تورن شوي دي. کډوال نیوز معلومات ورکوي.

• فرانسه

عثمان، ابراهیم او موسی د فرانسې یو بل دیپارتمنت ته تر انتقالېدو وړاندې پاریس کې د کم عمره کډوالو په توګه پېژندل شوي وو. خو دوی د فرانسې یوې بلې سیمې ته تر انتقالېدو وروسته خپل اداري حالت له لاسه ورکړ او په سړکونو کې یوازې پرېښودل شول.

• افغانستان
• اريتريا
• ايران

له سه شنبې شپې راهیسې د پاریس په ۱۹مه ناحیه پورت دوبرویلیه سیمه کې د کډوالو یو نوی کمپ جوړ شوی دی. دغه کمپ کې شاوخوا پنځوس خیمې درول شوې چې کورنۍ او ماشومان په کې اوسېږي. یوتوپیا ۵۶ ټولنه چې د دې کمپ په جوړولو کې رول لري وایي هیله منه ده چې د فرانسې حکومت زیان منونکو کسانو ته د اوسېدو ځای برابر کړي.

• ایټالیا

وروسته له دې چې د چهارشنبې په ورځ (د جون ۲۷مه) د سي واچ کښتۍ کپتانه کارولا رکېت د ایټالیا ساحلي اوبو ته د ننوتلو پرېکړه وکړه، د ایټالیا د کورنیو چارو وزیر ماتیو سالویني وویل چې نوموړې یوه «مشکل جوړوونکې» کپتانه ده. ښاغلی سالویني نه غواړي چې سي واچ ۳ کې سپاره کډوال د ایټالیا په خاوره کې ښکته شي.

• فرانسه

ځینې مهاجر پلوه سازمانونه په یوه خبرپاڼه کې له دولت څخه غواړي چې منل شويو کډوالو ته دې د اوسېدو ځایونه برابر کړي. یاد کسان چې د پناه غوښتونکو هرکلي مرکزونو کې ژوند کوي د اقامې تر ترلاسه کولو وروسته یوازې درې میاشتې وخت لري چې له یادو استوګنځیو څخه ووځي.

• فرانسه

د قانون له مخې په فرانسه کې پناه غوښتنه وړیا ده او د فرانسې دولت اړ دی چې د پناه غوښتونکو ټول لګښتونه پر غاړه واخلي. خو کډوال نیوز له ګڼو داسې کډوالو سره خبرې کړې چې د خپلو پناه غوښتنو پر مهال یې لګښتونه کړي دي. مهاجر پلوه سازمانونه وایي چې دا «پټ لګښتونه» دي.

• فرانسه

ګڼ شمېر هغه کډوال چې د فرانسې په اداري توقیف ځایونو کې اوسېږي له «پټو الوتنو» څخه وېره لري. خو پټه الوتنه څه ده؟ دا چې کډوال په ناڅاپه توګه د فرانسې له خاورې څخه اخراج شي. دا کار د قانون خلاف عمل دی.