ګینیایی مهاجر علي چې کډوال نیوز د روان کال په پیل کې ورسره خبرې کړې وې وایي تر اوسه هم کافي خوړو ته لاسرسی نه لري. هغه هره ورځ پاریس کې د خوړو د وېشلو بېلابېلو ځایونو ته مراجعه کوي. په ورته مهال سازمانونه وایي چې د اړمنو کسانو شمېر زیات شوی او ځینې وختونه ټولو ته خواړه نه رسېږي.
تېره جمعه د فرانسې په رامبویې ښار کې د یوې سرتېرې تر وژل کېدو وروسته، ځینو فرانسوي چارواکو وویل چې د کډوالۍ او ترهګرۍ ترمنځ اړیکې شته. کډوال نیوز د هغو قوانینو په اړه معلومات ورکوي چې له مخې یې بې سنده بهرنیان فرانسه کې اقامې ترلاسه کولی شي.
اداري توقیف ځای، د انتظار زون... فرانسه کې د بې سنده بهرنیانو د ازادیو د سلب ځایونه کوم دي؟ کډوال نیوز د دغو ځایونو لېست جوړ کړی. بې سنده بهرنیان په کومو حالاتو کې په کومو ځایونو کې ساتل کېږي؟ څومره وخت به یې هلته تېروي؟ حقونه یې څه دي؟
که څه هم د بشري حقونو مدافع بنسټونه د کورونا ویروس ضد واکسین د بهیر د سستوالي په اړه اندېښنې ښي، خو دوی هیله لري چې تر راتلونکي پسرلي پورې د مهاجرو د هرکلي په بېړنيو مرکزونو کې د کډوالو د واکسین لړۍ پیل شي.
د توس میګران په نامه سازمان چې له هغو مهاجرو سره مرسته کوي چې غواړي د الپ غرونو له لارې فرانسې ته ځان ورسوي وایي، سرحدي پولیسو یې کارکوونکي ځوروي. دوی زیاتوي چې د شپې ګرځبندیز د نه مراعاتولو لپاره وار وار جریمه شوي دي. یاد سازمان دغه راز د هغو مهاجرو د برخلیک په اړه اندېښنه ښیی چې د سرحدي پولیسو له خوا نیول کېږي.
سن دني کمپ د فرانسې پلازمېنې پاریس ته څېرمه موقعیت لري او نږدې ۲۰۰۰ مهاجر پکې ژوند کوي. خو دغه کسان مهاجرو ته د سرپناه برابرولو عمومي سیستم د نشتوالي له امله له یو بل څخه واټن نه شي اخیستلی. په ورته مهال د نړۍ ډاکټرانو سازمان وایي چې د وېرو او اندېښنو سره سره تر اوسه پورې دغه کمپ کې د ناروغۍ کومه جدي پېښه نه ده ثبت شوې.