خیریه سازمانونه وایي چې له تېرو څو اونیو راهیسې کډوال د یونان د پناه غوښتنې رسمي سایټ کې د تخنیکي ستونزې له کبله خپل پناه غوښتنلیکونه ثبتولی نه شي. دغه سازمانونه اندېښنه ښيي چې دا ستونزه کېدای شي پر کډوالو ناوړه اغېز ولري.
له تېرو دوو کلونو راهیسې بلجیم کې کم عمر لرونکو افغان کډوالو ته د کډوالۍ او یا د جانبي حفاظت اسناد نه ورکول کېږي. دغه بې سرپرسته تنکي ځوانان چې له اسنادو پرته په بلجیم کې ژوند کوي تر بالغ کېدو پورې له ګڼو ستونزو سره مخامخ کېږي.
د ایټالیا پارلمان یو نوی قانون تصویب کړی چې د کوترو فرمان نومېږي. د کوترو فرمان مخالفان وایي چې حکومت غواړي د دغه قانون په تصویبولو سره ایټالیا ته د کډوالو د راتګ مخه ونیسي.
د اتریش حکومت غواړي چې دغه هېواد ته د اوښتونکو کډوالو د ننوتو د مخنیوي لپاره له سلوانیا او هنګري سره پر پوله امنیتي کنترول تمدید کړي. د رسمي شمېرو له مخې، په ۲۰۲۲ کې اتریش کې د پناه غوښتونکو شمېر درې چنده زیات شوی دی.
ایا تاسو ته د خاورې د پرېښودو سند یا «ترک خاک» درکړل شوی دی؟ تاسې کولی شئ چې د فرانسې له اداري محکمې څخه د استیناف غوښتنه وکړئ. بشپړ معلومات لاندني مطلب کې.
د بشري حقونو د څار سازمان د تېرې سه شنبې په ورځ پر ایټالوي چارواکو غږ وکړ چې ایټالیا کې د بهرنيو کارګرو حالت ته پام وکړي. دا هغه کسان دي چې په بدو شرایطو کې په کروندو کې کار کوي او په نامناسبو ځایونو کې اوسېږي.
د فرانسې د لیل ښار د ادارې محکمې راپور جوړوونکي پل ګروش د سه شنبې په ورځ کالې ښار کې پر کډوالو د خوړو د وېشلو بندیز «نامتناسب» وباله. نوموړي د کالې قومندانۍ د دغې پرېکړې د لغوه کېدو غوښتنه وکړه او و یې ویل چې د چارواکو له خوا وړاندي شوي دلایل بې بنیاده دي.
صربیایی سازمان کلیکاکتیو د یو مراکشي کډوال له قوله وایي چې د هنګري پوله ساتو ځواکونو له صربیا سره پر پوله د نوموړي سر ور خرېیلی دی. د راپورونو له مخې په تېرو څو میاشتو کې د هنګري او صربیا پر پوله د کډوالو پر وړاندې د تاوتریخوالي په پېښو کې زیاتوالی راغلی دی.
د بلجیم حکومت د دغه هېواد پلازمېنه بروکسل کې د پناه غوښتنې ادارې مخې ته د کډوالو د کمپونو د جوړېدو د مخنیوي لپاره نوې طرحه وړاندې کړې ده. خو سازمانونه بیا وایي چې دغه طرحه د کډوالو ستونزې نه شي هوارولی.
هر کال د کډوالۍ پر لارو سلګونه کسان لادرکه کېږي. د بېلګې په توګه مدیترانه د نړۍ یوه تر ټولو خونړۍ لاره بلل کېږي، یا افریقا کې د صحرا دښته. کډوال نیوز د لادرکه شویو کسانو د ورځې (د اګست ۳۰) په مناسبت د فرانسې د سره صلیب د نړیوالې ټولنې له مرستیالې لوسیل ماربو سره مرکه کړې ده.
له تېرو دوو میاشتو راهیسې د فرانسې د کالې ښار په مرکز کې نور د ناراجسټرو سازمانونو له خوا پر کډوالو د خوړو د وېشلو د منع فرمان نه عملي کېږي. خو سازمانونه وایي چې د یاد فرمان نه عملي کېدل ځکه پر وضعیت نه دی اغېز کړی چې دوی لا هم د خپلو فعالیتونو د ترسره کولو لپاره له خنډ سره مخ دي.
فرانسه کې له تیر شاوخوا یوه کال راهیسې د اقامت کارت (titres de séjour) د ترلاسه کولو او نوي کولو اداري پروسه یوازې انلاین بڼې ته بدله شوې وه خو اوس د دولت عالي شورا پریکړه کړې چې بهرنیو اتباعو ته باید د دې اجازه ورکړل شي تر څو په حضوري ډول د اقامت کارت اداري چارې ترسره کړي.