فضل، اکوندې او پاسکال هغه درې مهاجر دي چې بلجیم ته له رسېدو وروسته یې د سړکونو پر غاړه شپې ورځې تېرې کړې دي. دوی چې دولتي سرپناوو ته لاسرسی نه لري په هغو مراکزو کې اوسېږي چې د مرستندویو سازمانو تر ادارې لاندې دي.
د روان کال په لومړیو میاشتو کې لندن له کیګالي سره یو تړون لاسلیک کړ چې له مخې یې د انګلیس کانال له لارې برېتانیا ته اوښتونکي کډوال رونډا ته استول کېږي. همدارنګه د ډنمارک چارواکو څه موده مخکې وویل چې رونډا ته د کډوالو د ستنولو پلان په هکله له دغه افریقایي هېواد سره هوکړې ته رسېدلی دی. خو ایا رونډا د کډوالو مناسبه کوربه ده؟
د می میاشتې له ۲مې راهیسې د کډوالو او بې تابعیته وګړو د ساتنې اداره یا اوفپرا خپلې پرېکړې او لیکونه په انلاین توګه پناه غوښتونکو ته استوي. خو دغه سیستم ځینو کډوالو ته ستونزې جوړولی شي.
له اوکراین سره پر پوله د پولنډ سرحدي ځواکونه هره ورځ له زرګونه اوکرانیانو تود هرکلی کوي له دغه ځایه یوازې څو کیلومتره لرې، سلګونه افغانان، عراقیان، سوریایان او یو شمیر نور کډوال پر پوله ایسار پاتي او د پولیسو له تاوتریخوالي سره مخامخ دي.د بشري حقونو د ملاتړ سازمانونه يي په اړه اندیښمن دي.
د اوکراین له جګړې څخه تښتیدلي کډوالو لپاره د بلجیم پلازمینې بروکسل ښار د هیسل ۸ ماڼۍ په ودانۍ کې د هرکلي یو ځانګړې مرکز جوړ شوی چې په کې یوازې له اوکرایني کډوالو پرته نورو ته د پناه غوښتنې د ثبت اجازه نه ورکول کیږي. له کډوالو سره دا ډول دوه ګونې چلند د یو شمیر سازمانونو اندیښنې راپارولي.
له تېرو څو کلونو راهیسې داسې ویل کېږي چې «بهرنیان باید دې ته مجبور کړل شي چې په نورو هیوادونو کې د فرانسې په سفارتونو او یا کنسولګریو کې د پناه غوښتنه وکړي.» د ښې اړخو افراطي ډلو نوماندان اریک زمور او مارین لوپن او د جمهوري غوښتونکو نومانده ولري پکرس پر دغې موضوع ټینګار کوي. خو دا کار د نړیوالو قوانینو خلاف دی.
د فرانسې په بریانسون ښار کې د رفیوج سولېدر او ټول میګران په نامه د مهاجرو د حقونو مدافع بنسټونو د پولیسو قومندانۍ ته د یو لیک په استولو ورڅخه د مرستې غوښتنه کړې ده. یادو سازمانونو ویلي چې چارواکې دې بریانسون ته د کورنیو او زیان منونکو کسانو د هرکلي لپاره ورته امکانات برابر کړي.
د نړیوال پرمختګ مرکز یوه څېړنه ښيي چې اروپایي ټولنه تر ۲۰۵۰ کال پورې د کاري قوې کموالي سره مخ کېږي. د نړیوال پرمختګ مرکز د دغه کموالي د جبران لپاره له اروپي ټولنې څخه غواړي چې زیات شمېر مهاجر ومني.
د فرانسې د کورنیو چارو وزیر تېره شنبه وویل له ۱۴۷ سخت دریځو بهرنیانو څخه یې فرانسه کې د اوسېدو حق بېرته اخیستلی دی. خو له حقوقي لحاظه دا پوښتنه مطرح کېږي چې دا کار به څنګه عملي کېږي. په ورته مهال د افپرا یا د مهاجرو ادارې خپلواکي مطرح ده.