یوه ویډیو چې تازه کډوال نیوز ته رسیدلې، ایټالیا کې د کډوالو د کښتیدو له ډوبیدو څو ساعته وړاندې ثبت شوې. په کښتۍ کې د معصوم قاسمي کورنۍ او خپلوان ایټالیا ته له رسیدو څو ساعته وړاندې سمندر کې ډوبیږي. افغان کډوال معصوم قاسمي او د کورنۍ ۶ غړي يي هڅه کوي چې له ترکیې څخه ایټالیا ته ورسیږي.
په ایټالیا کې یو تن افغان کډوال ګل آغا جمشیدي وايي چې د کالابرا سیمې ته د کښتۍ د ډوبید له قربانیانو سره د مرستې لپاره ولاړم خو هلته مې د مړه شویو کسانو په منځ کې د خپل تره د نګور تصویر هم ولیده. د دغې کورنۍ دوه ماشومان لاهم لادرکه دي. ګل آغا چې له وړاندې په ایټالیا کې اوسیده، د نورو افغانانو په استازیتوب يي د ایټالیا له ولسمشر سره هم خبرې وکړي او افغانستان ته د قربانیانو د جسدونو د لیږد غوښتنه يي کړې.
فرانسوي انځورګر او ښوونکي ستېفان ترتز د فرانسې په الزاس سیمه کې د افغانو ښځو د انځورونو نندارتون جوړ کړی دی. دغه نندارتون چې ښځه او ژوند نومېږي د افغانو مېرمنو مبارزه پکې انځور شوې ده.
مطفی افغان، زبیر ارسلان ایراني او جهاد محمد وصفی عراقي کرد هغه درې تنه کډوال دي چې د فرانسې له شمالي ساحل څخه يي د ۲۰۲۱ کال په مني کې په وړو کښتیو کې له سختو کړاوونو وروسته ځانونه بریتانیا ته رسولي. له مرګ څخه ژغورل شوي دغه کډوال چې اوس په لندن کې اوسیږي له کډوال نیوز سره د خپل سفر په اړه خبرې کړي.
د فرانسې د شمالي سیمې قومندان د مانش کانال په سواحلو کې د کمپونو د خالي کولو او استوګنځیو ته د مهاجرو د انتقالولو څخه دفاع کوي او وایي چې د خلکو د خوندیتوب او عامه نظم د مراعاتولو لپاره دغو سیمو کې د هرکلي مرکزونو د جوړولو سره مخالف دی. دا په داسې حال کې چې تېره شنبه د فرانسې پارلمان ځینو استازو ګراند سنت سیمه کې د مهاجرو وضعیت غیرانساني بللی و.
افغان مهاجر رشید یو له هغو زرګونو کډوالو دی چې موریا کمپ کې تر اولګېدنې وروسته بې ځایه شوی دی. هغه او کورنۍ یې نږدې یوه اونۍ پر سړکونو شپه سبا کړې. تېره اونۍ یوناني ځواکونو دغه کسان د مهاجرو نوي کمپ ته انتقال کړل چې کارا تپې ته نږدې جوړ شوی دی. رشید کډوالو نیوز ته د خپلو سترګو لیدلی حال وایي.
څو ورځې وړاندې په ټولنیزو رسنیو کې داسې یوه ویډیو خپره شوه چې ښيي یو ایراني وګړی یو کارګر ماشوم کثافتدانۍ ته اچوي او د ده ملګري پر دې پېښه خاندي. دغه ماشوم افغان و او زلمی نومېده. پېښې په ټولنیزو رسنیو کې د خلکو توند غبرګونونه راپارول. ایران کې د کارګرو ماشومانو په اړه له یوه ایراني کارپوه سره مرکه.
د فرانسې د کالې لوی ځنګل له تړل کېدو وروسته (۲۰۱۶) د افغان او پاکستاني کډوالو یوه ډله د فرانسې شمالي ښار امیان ته واستول شول. یاده ډله د ۲۰۱۷م کال په ډېسمبر میاشت کې د «امیان کرېکټ کلب» جوړ کړ. دغه لوبډله فرانسه کې د کډوالو د ادغام یوه مهمه بېلګه ده. نور معلومات په دې ویډیو کې.
د فرانسې د کالې لوی ځنګل له تړل کېدو وروسته (۲۰۱۶) د افغان او پاکستاني کډوالو یوه ډله د فرانسې شمالي ښار امیان ته واستول شول. یاده ډله د ۲۰۱۷م کال په ډېسمبر میاشت کې د «امیان کرېکټ کلب» جوړ کړ. دغه لوبډله فرانسه کې د کډوالو د ادغام یوه مهمه بېلګه ده. مهاجر نیوز له امیان ښار څخه رپوټ ورکوي.
فرانسه کې د پناه غوښتنې ملي محکمه یوازنۍ هغه اداره ده چې د قانون له مخې حق لري د پناه غوښتونکو په اړه د اوفپرا ادارې پرېکړې ردې کړي او یا یې ومني. رد شوي کډوال اړه دي چې د پناه غوښتنې ملي محکمې ته تر مراجعه کولو مخکې د خپل مدافع وکیل له لوري خپل ټول سندونه دغې قضایي ادارې ته وړاندې کړي.
د پنجشنبې پر ورځ (د فبرورۍ ۲۸مه) د فرانسې حکومت د اروپا د بشري حقونو د شورا له خوا له یو کم سنه افغان کډوال سره د ناسم او سپک چلند په تور محکوم شو. فرانسه کې کم عمره افغان کډوال له بېلابېلو ستونزو سره لاس او ګرېوان دي. کډوال نیوز رپوټ ورکوي.
د بشري حقونو مدافع بنسټونه وایي چې د فرانسې حکومت د کډوالو د ستونزو د هوارولو له پاره کومه سیاسي اراده نه لري. اوس مهال نږدې ۱۰۰۰ کډوال د پاریس د شمالي سیمې په کمپونو کې ژوند تېروي.