د فرانسې پلازمېنه پاریس کې به د جون میاشتې له ۳۰مې نېټې وروسته د کم سنه کډوالو د اصلي عمر د معلومولو دنده فرانس تېر دزیل ادارې ته سپارل کېږي. تر دې وړاندې د سره صلیب سازمان دغه دنده پر مخ وړله.
یونان کې د ساموس د کډوالو کمپ اوسیدونکي د می میاشتې له ۱۰ مې راهیسې اوبو ته په سمه توګه لاسرسۍ نه لري. د کمپ هر اوسیدونکي په ورځ کې یوازې ۴،۵ لیتره د اړتیا وړ اوبه لاسته راوړي. چارواکي يي دلیل د اوبو په نلونو کې تخنیکي ستونزه بولي.
پر اکراین د روسیې تر یرغل وروسته نږدې ۶۰۰ کم عمر لرونکي اکراینیان له خپلو کورنیو پرته بلجیم ته رسېدلي دي. دوی د خپلو اداري کارونو د ترسره کولو لپاره قانوني سرپرستانو ته اړتیا لري چې د دولت له خوا ټاکل کېږي. خو بلجیم د قانوني سرپرستانو له کموالي سره مخ دی.
د ښې اړخې ډلې نومانده والرس پکرس د کډوالۍ پر وړاندې سخت دریځ لري. نوموړې چې د جمهوري غوښتونکي ګوند له خوا ولسمشریزو ټاکنو ته نومانده شوې وایي پناه غوښتنه باید په درېمو هیوادونو کې ترسره شي او د مهاجرو د سهمیه بندۍ قانون تصویب شي. د مرکزي ګوند نوماند امانوېل مکرون بیا وایي چې د پناه غوښتنې او اخراج پروسو باید چټکې شي او شېنګن زون سیستم کې باید بدلون رامنځ ته شي.
د فرانسې د ښې اړخې او د ښې اړخې افراطي ډلې نوماندان پر دې ټینګار کوي چې دوی به له واک ته رسېدو وروسته ټول بې سنده کسان له فرانسې څخه وشړي. خو دا خورا پیچلې پروسه ده او د کډوالو شړل ځانګړو شرایطو ته اړتیا لري.
ډېری کډوال فرانسې ته له رسېدو سره سم د خپلو اداري، روغتیایي او یا ټولنیزو چارو د ترسره کولو لپاره ژباړونکو ته اړتیا لري. ژباړونکي مسولیت لري چې د پناه غوښتونکو خبرې په سمه توګه وژباړي. خو که په ژباړه کې کومه تېروتنه رامنځ ته شي، دا تېروتنه به پناه غوښتونکو ته ډېره ګرانه تمامه شی.
د تېرې چهارشنبې په ورځ انګلیس کانال کې د کډوالو د یوې کښتۍ د ډوبېدو پېښې سربېره لا هم ډېری هغه مهاجر چې په کالې او ګراند سنت ښارونو کې ایسار پاتې دي غواړي چې د انګلیس کانال له لارې برتانیا ته واوړي.
د بشري حقونو مدافع بنسټونه یونان کې د ماشومو کډوالو د زدکړې په هکله اندېښنې ښيي. که څه هم یونان اړ دی چې ټولو ماشومو کډوالو ته د زدکړې زمینه برابره کړې، خو په هرکلي مرکزونو کې د ماشومو مهاجرو له ډلې ۱۵ سلنه یې ښوونځي ته ځي. سېف دې چلدرېن او د یونان د مهاجرو شورا زیاتوي چې یوناني ټاپوګانو کې د ماشومو مهاجرو له ډلې یوازې ۰،۳ سلنه یې ښوونځي ته تللی شي.
د ۲۰۲۰ د سپټمبر پر ۸مه د لېسبوس ټاپو په موریا کمپ کې تر اورلګېدنې وروسته یوناني او اروپایي چارواکو وویل، موریا به نور نه تکرارېږي. دوی دغه راز د پناه غوښتونکو د ژوند د شرایطو د ښه کېدو پر اړتیا ټینګار وکړ. خو له پېښې یو کال وروسته لېسبوس ټاپو کې مهاجر لا هم په خورا سختو شرایطو کې شپه سبا کوي.
بې سنده کارګر د کاري پېښو د رامنځ ته کېدو په صورت کې کولی شي چې د درملنې لپاره مسولو ادارو ته مراجعه وکړي. بشپړ معلومات لاندني مطلب کې.
یوتوپیا ۵۶ سازمان تېره اونۍ کالې کې د مهاجرو پر وړاندې د پولیسو له خوا د تاوتریخوالي زیاتې پېښې ثبت کړې دي. دغه سازمان وایي چې د جون میاشتې په پیل کې د اریتریايي مهاجرو او پولیسو ترمنځ تر شخړې وروسته د مهاجرو پر وړاندې د پولیسو له خوا تاوتریخوالی دېر شوی دی.
د فرانسې په کالې ښار کې نږدې هره ورځ مهاجر له کمپونو څخه ایستل کېږي. که څه هم د کمپونو د خالي کولو عملیاتونه په معموله توګه د سهار له خوا ترسره کېږي، خو له تېرو څو اونیو راهیسې امنیتي ځواکونه د ورځې په بېلابېلو ساعتونو کې مهاجر کمپونه تړي.