د پولیسو په وینا د سه شنبې په ورځ ۴ کډوال چې د تېلو په یو ټانکر کی پټ شوي وو د صربیا په شمالي سیمه نوي ساد کې و موندل شول. د یادو کډوالو په ډله کې دوه تنه افغانان دي. د دوو نورو کسانو هویت تر اوسه نه دی په ډاګه شوی.
د ایټالیا پولیس وایي چې د پنجشنبې په ورځ یې د تجارتي مالونو اورګاډي په یوه ټانکر کې ۷ کډوال موندلي دي. دا اورګاډی له صربیا څخه د ایټالیا وېرون تمځي ته راغلی و.
د ۱۳۹۵کال په سرشميرنه کې په ايران کې د افغان مهاجرو مجموعي شمیر د يو ميليون او۵۸۰ زره په شاوخوا کې وو. خو چارواکي ولي دغه شمېر لوړ ښيي؟
د ۲۰۱۹م کال د مې میاشتې په ۱۴مه نېټه د فرانسې په کن ښار کې د کن مشهور فېسټوال ترسره کېږي. سږ کال د افغان الاصله فرانسوۍ فلم جوړونکې شبنم زریاب نوی فلم یاد فېسټوال کې نندارې ته وړاندې کېږي. شبنم زریاب له کډوال نیوز سره په یوه ځانګړې مرکه کې د خپل ژوند او فلمونو په اړه خبرې کړې.
فرانسه کې په معمول ډول د پناه غوښتنې پروسه اوږده ده. خو دا هم ممکنه ده چې په ځینو خاصو حالاتو کې یاده پروسه چټکه شي. دا په داسې حال کې ده چې ځینې مهاجر پلوه سازمانونه وایي چټکو پروسو کې د کډوالو دوسیې په سم ډول نه څېړل کېږي. کډوال نیوز معلومات ورکوي.
د پنجشنې په ورځ د یونان د لېسبوس ټاپو یوه محکمه هغو کډوالو ته – چې ډېرۍ یې افغانان دي – برائت ورکړ چې په ۲۰۱۸ کۍ یې د خپل ژوند د وضعیت پر وړاندې اعتراضونه کړي وو.
د ربړونې ضد کمیټې غړو په هغه چارتر الوتکه کې سفر کړی چې له آلمان څخه په کې افغانستان ته رد شوي افغانان اخراجیدل. هغوی پر پولیسو د «نامناسب» زور زیاتي تور پوري کړی دی او پر یوه بله مسله یې هم انتقاد کړی دی.
هنګري کې د هلسنکي کمیټې یوه غړی وایي یوولس افغان کډوال له یاد هیواد څخه صربیا ته اخراج کړل شوي. په همدې حال کې یو بل افغان کډوال چې په انساني قاچاق تورن و بېرته افغانستان ته شړل شوی دی.
د اسوشیتد پرس په حواله د سه شنبې په شپه یوه افغانه کورنۍ له هنګري څخه صربیا ته وشړل شوه. دغه شپږ کسیزه کورنۍ هنګري کې د پناه غوښتونکو په یو مرکز کې اوسېدله.
د شنبې پر ورځ د فرانسې په کالې ښار کې د افغان او ایراني کډوالو تر منځ د دویم ځل له پاره شخړه جوړه شوه. د رپوټونو له مخې د کډوالو تر منځ لومړۍ شخړه د جمعې په ۵ بجو د خوراکي توکیو د وېشلو پر مهال جوړه شوې وه.
ځینې مهاجر پلوه سازمانونه وایي چې د فرانسې په ګراند سنت ښار کې عراقي قاچاق وړونکي کډوال ډاروي. دوی زیاتوي چې کډوال د کردي قاچاق وړونکو له وېرې نه غواړي چې دولتي استوګنځایونو ته ولاړ شي. د ګراند سنت ښاروالۍ ځینو کډوالو ته په یو جمنازیم او یو مرکز کې د اوسېدو ځایونو برابر کړي دي.
فرانسه کې د پناه غوښتنې ملي محکمه یوازنۍ هغه اداره ده چې د قانون له مخې حق لري د پناه غوښتونکو په اړه د اوفپرا ادارې پرېکړې ردې کړي او یا یې ومني. رد شوي کډوال اړه دي چې د پناه غوښتنې ملي محکمې ته تر مراجعه کولو مخکې د خپل مدافع وکیل له لوري خپل ټول سندونه دغې قضایي ادارې ته وړاندې کړي.