ایټالیا وایي چې د ۱۳ هیوادونو د اتباعو د پناه غوښتنې دوسیو د ارزونې موده به له ۲ کالو څخه ۴ میاشتو ته راټیټه شي. مراکش، الجزایر، تونس، ګانا او سنېګال د دغو «امنو» هیوادونو په ډله کې دي. په همدې حال کې سازمانونه وایي چې دغه فرمان به پر همجنس بازو کډوالو منفي اغېز ولري.
پورتګال په اروپا کې داسې یو هیواد دی چې د بېلابېلو لاملونو له کبله د کډوالو پر وړاندې نرم دریځ او سیاست لري. دغه هیواد د اروپا د هغو پروګرامونو په ترسره کولو کې برخه اخلي چې له مدیترانې څخه د ژغورل شویو کډوالو د وېشلو په اړه دي. بل لور ته پورتګال کې داسې کسان هم د پناه غوښتنه کوي چې په یوازې سر دغه هیواد ته ننوتلي دي. د دغو کډوالو وضعیت یو څه پیچلی دی. کډوال نیوز د پورتګال بوبادېلا مرکز ته تللی چې د لېسبون په شاوخوا کې موقعیت لري.