۳۰ کلن نثار احمد چې دوه کاله له بریتانوي ځواکونو سره په هلمند کې ترجمان و، له خپلې میرمنې سره یوځای په قاچاقي لارو اروپا او بیا بریتانیا ته رسیدلی. هغه چې اوس مهال د بریتانیا په مانچستر ښار کې اوسیږي، شاوخوا ۱۵ میاشتې يې د یونان د موریا د کډوالو په کمپ کې له کړاوه ډک ژوند تېر کړی. نوموړی کډوال نیوز ته خپله کیسه کوي.
د فرانسې سمندري ځواکونه ۸۸ تنه هغه کډوال ژغورلي چې غوښتل يې په ناقانونه ډول د مانش کانال د اوبو له لارې ځانونه بریتانیا ته ورسوي. تېره ورځ ۳۷۸ تنه نور بیا په ۱۲ کښتیو کې بریتانیا ته رسیدلي دي.
فرانسوي چارواکو د جمعې تر یکشنبې پورې انګلیس یا مانش کانال کې ۱۸۰ مهاجر ژغورلي دي. له تېرو څو اونیو راهیسې ګڼ شمېر پناه غوښتونکي هڅه کوي چې د انګلیس کانال له لارې برتانیا ته واوړي. تېره شنبه تر ۳۵۰ ډېر کسان د دغه کانال له لارې برتانیا ته ورسېدل.
ګارډین ورځپاڼه وایي په تېرو پنځو کلونو کې د برتانیا د کورنیو چارو وزارت له خوا پناه غوښتونکو ته ځانګړو شویو استوګنځیو کې ۵۱ کسان مړه شوي دي. ورځپاڼې زیاته کړې چې تېرو ۱۸ میاشتو کې یادو استوګنځیو کې د مړو شویو کسانو په شمېر کې زیاتوالی راغلی.
بریتانیا او فرانسې د سه شنبې په ورځ هوکړه وکړه چې د وړو کښتیو له لارې بریتانیا ته د تلونکو کډوالو د مخنیوي لپاره به د فرانسې سواحلو ته نوي پولیس او تجهیزات ځای پر ځای شي. بریتانیا هوکړه کړې چې په دې برخه کې فرانسې سره نورې مرستې وکړي.
چارواکي وايي چې یوازې د دوشنبې په ورځ د جولای په ۱۹مه، ۴۳۰ ناقانونه کډوال د مانش کانال د اوبو له لارې بریتانیا ته رسیدلي دي. دا په داسې حال کې ده چې د بریتانیا د کورنیو چارو وزارت غواړي چې د کښتیو او لاریو له لارې دغه هیواد ته د ناقانونه کډوالو د ورتګ مخه و نیسي.
فرانسوي چارواکي د دوشنبې په ورځ ۱۲۳ کډوال چې غوښتل يي په ناقانونه ډول د مانش کانال له لارې بریتانیا ته واوړي له سمندر څخه ژغورلي دي. په ژغورل شویو کې ښځې او ماشومان هم شامل دي.
د برتانوي رسنیو د راپورونو له مخې د لنډن په شمالي کالېندل سیمه کې یو افغان د انساني قاچاق وړونکې او مجرمې ډلې د غړیتوب په شک نیول شوی دی.
د بریتانیا یوې عدلي او قضايي ادارې د خپل حکومت د پریکړې خلاف، اعلان کړی چې هغه کډوال چې د مانش کانال د اوبو له لارې دغه هیواد ته دننه کیږي، تر عدلي تعقیب لاندې به و نه نیول شي. په دې وروستیو کې د بریتانیا د کورنیو چارو وزارت د دغه هیواد پارلمان ته د داسې یو قانون طرحه وړاندې کړې وه چې ناقانونه کډوالو ته سخت مجازات په کې شامل و.
د فرانسې په ختیځ کې کالې ښار ته نږدې، امنیتي ځواکونو د کډوالو یو کمپ چې ۱۳۰ تنه پکې ځای پر ځای شوي و، خالي کړي. چارواکي وايي چې کډوال تر هنګرونو لاندې چې د جوړیدو په حال کې و له خطره ډک حالت کې ژوند کاو خو مرستندویه ادارې بیا وايي چې کډوال له باران څخه د خوندیتوب لپاره دغلته اوسیدل.
هغه افغانان چي د ناټو سره يې همکاري لرلې وي او غواړي له افغانستان څخه باندني هيوادونو لکه د امريکا متحده ايالاتو، آلمان يا بريتانيې ته ولاړ شي، ښايي ورته لاندني معلومات ګټور وي.
بريتانيا ته د زيات شمير مهاجرو له رسېدلو وروسته اوس د دغه هيواد محافظه کار حکومت غواړي چي د پناه غوښتني په قوانينو کي ښکاره سختۍ رامنځته کړي.