د بریتانیا د کورنیو چارو وزیرې سوئلا براورمن چې رونډا ته د پناه غوښتونکو د استولو په اړه د خبرو لپاره دغه هیواد ته سفر کړی و، د سه شنبې په ورځ بیرته خپل هیواد ته ستنه شوه.نوموړې د خپل سفر په جریان کې د پناه غوښتونکو د یوه کمپ پر وړاندې د خندا له امله له سختو غبرګونونه سره مخامخه شوې.
د بریتانيا لومړي وزیر رشي سوناک، دغه هیواد ته په غیر قانوني ډول د پناه غوښتونکو داخلیدو د مخنیوي په خاطر د یوه نوي قانونې طرحې د جوړولو خبر ورکړی دی.
د برېتانیا لومړي وزیر ریشي سونک پرون شپه ژمنه وکړه چې د انګلیس کانال له لارې ورتلونکي کډوال به «په سمدلاسه توګه» له برېتانیا څخه اخراج کړي. نوموړی د هغو «نوو قوانینو» د تصویب غوښتونکی شوی دی چې د کډوالۍ پر وړاندې سخت تدابیر پکې نیول شوي دي.
د بریتانیا حکومت د یکشنبې په ورځ اعلان وکړ چې په ۲۰۲۲ کال کې له ۴۵ زرو څخه ډیر کډوال په وړو کښتیو کې د انګلیس چینل له لارې دغه هیواد ته رسیدلي چې دا په تیرو څو کلونو کې د ریکارډ په کچه ډیروالی ښيي. افغانان بیا له البانیویانو وروسته د دغو کډوال لوی شمیر جوړوي.
۴۰ البانوي کډوال او مجرمین چې ډیری يي د انګریز چینل له لارې بریتانیا ته د ننه شوي و، د کورنیو چارو وزارت په یوه الوتکه کې بیرته خپل هیواد واستول شول. دا په داسې حال کې ده چې تیره اونۍ هم ۱۱ البانویان خپل اصلي هیواد ته استول شوي و.
د برېتانیا چارواکي وایي هغه دوه کسان یې نیولي دي چې په یوه تېزرفتارۍ کښتۍ کې یې له بلجیم څخه برېتانیا ته د کډوالو د انتقال هڅه درلوده. دغه کسان چې د البانیا اتباع دي د برېتانیا نتېنګهام ښار کې نیول شوي دي.
د برېتانیا د روغتیا ادارې د کډوالو ترمنځ د دېفتېریا ناروغۍ د خپرېدو په هکله اندېښنه څرګنده کړې ده. ویل کېږي چې تر دې دمه برېتانیا ته د رسېدلو کډوالو ترمنځ د دېفتېریا شاوخوا ۵۰ پېښې ثبت شوې دي.
د برېتانیا حکومت پرون سه شنبه وویل چې د دغه هېواد په سوېل ختیځه سیمه کې یې د مانستون د کډوالو مرکز خالي کړی دی. د بشري حقونو مدافع سازمانونو تېره میاشت دغه مرکز کې د مهاجرو د ژوندانه پر وضعیت نیوکې کړې وې.
د برېتانیا د کورنیو چارو وزارت وایي چې د کډوالو مرکز مانستون کې یو تن د «ناروغۍ» له امله مړ شوی دی. تر دې دمخه د بشري حقونو مدافع بنسټونو دغه مرکز کې د کډوالو د ژوندانه شرایطو له کبله پر حکومت نیوکې کړې وې.
د البانيا لومړي وزير د سه شنبې په ورځ وويل چي بريتانيا يې د هيواد پر ضد «محاسبه شوي» تورونه لګوي چي ګواکي پر مانش کانال د مهاجرت د زياتېدو مسؤل دی.
په بريتانيه کي په ټوليزه توګه ۱۲۰ زره پناه غوښتونکي په دې انتظار دي چي د پناه غوښتنې پر دوسيو يې کار پېل شي. له ۲۰۱۷ کال راهيسي دغه شمېر څلور چنده زيات شوی دی.
لندن او پاریس نن دوشنبه سهار د انګلیس کانال له لارې برېتانیا ته د کډوالو اوښتو د مخنیوي تړون لاسلیک کړ. دا په داسې حال کې ده چې د برېتانیا د دفاع وزارت د یکشنبې په ورځ وویل چې سږ کال تر دې دمه تر ۴۰ زره ډېر کډوال د انګلیس کانال له لارې برېتانیا ته اوښتي دي.