د ځایي رسنیو د راپورونو له مخې، پرون یکشنبه د فبرورۍ ۲۶مه د بلغاریا د چیرپان سیمې د تراکیا پر لویه لاره ترافیکي پېښه کې یو تن کډوال وژل شوی او لسګونه نور ټپیان دي. دغه کډوال چې ویل کېږي د افغانستان اتباع دي په یو سرویس موټر کې سپاره ول.
د ځایي رسنیو د راپورونو له مخې د بلغاریا د کورنیو چارو وزارت او څارنوالۍ پرون دوشنبه د جنورۍ ۱۶ د دغه هېواد په بېلابېلو برخو کې د انساني قاچاقبرو د نیولو لپاره پراخ عملیات ترسره کړي دي.
د اروپا د پولې ساتنې ادارې یا فرانتکس په یوه خبرپاڼه کې ویلي دي چې په ۲۰۲۲ کې ۳۰۰ زره ناقانونه سرحد اوښتنې ثبت شوې دي چې دا د ۲۰۲۱ په پرتله ۶۴ سلنه ډېروالی ښيي.
د بلغاریا چارواکِي وايي چې پولیسو د دوشنبې په ورځ د دغه هیواد په شمال کې ۵۸ ناقانونه کډوال له یوه لارۍ موټر څخه موندلي. ویل کیږي چې نیول شوي کسان چې د ۱۳ او ۳۰ کلونو ترمنځ عمرونه لري، ټول افغانان دي.
د بلغاریا چارواکي وایي چې د یکشنبې په ورځ یې د دغه هېواد سلیون ښار ته نږدې په یوه بس کې ۷۰ غیر قانوني کډوال نیولي دي. زیاته شوې ده چې ځینې کډوال د ستړیا له کبله روغتون ته وړل شوي دي.
د اروپايي اتحاديې د غړو هيوادونو د داخله وزيرانو په کنفرانس کي په شينګن کي د کرويشيا پر غړيتوب توافق وشو. خو د بلغاريا او رومانيا اړونده درخواستونه رد شول.
د آلمان د اې آر ډي او نورو رسنيو په راپورونو کي ويل شوي دي چي احتمالا د بلغاريې چارواکو له خوا پر يو مهاجر ډزي شوي دي.
بلغاریا هغه ادعاوي نه دي منلي چې ګواکې سرحدي ځواکونو يي د اکتوبر په میاشت کې یو سوریايي کډوال په ډزو وژلی. په یوه ویډیو کې چې د دوشنبې په ورځ خپره شوې لیدل کیږي چې د بلغاریا پر پوله یو ځوان پر سینه او لاس په مرمۍ ویشتل کیږي او بیا پر ځمکه راغورځیږي.
د بلغاریا امنیتي ځواکونه وایي چې د سه شنبې په ورځ یې د دغه هېواد د بورګاس او صوفیا پر لویه لاره په یوه لارۍ کې ۲۳ افغان کډوال موندلي دي.
د بلغاریا د کورنیو چارو وزارت وایي چې یوه بلغاریايي موټر چلوونکي د سه شنبې په ورځ د تالاشۍ په پوسته کې د خپل موټر له درولو ډډه وکړه چې له امله یې یو سرتېری او څلور کډوال ټپیان شول. په دغه میني بس موټر کې ۱۲ سوریایي کډوال سپاره ول.
د د رسنیو د راپورونو له مخې، د صربیا امنیتي ځواکونو د یو لړ عملیاتو په پایله کې د قاچاقبرو هغه ډله نیولې ده چې په تېره یوه میاشت کې یې لږ تر لږه ۴۰۰ کډوال له دغه هېواد څخه بلغاریا ته انتقال کړي دي.
بلغاریایي چارواکي وایي چې د تېرې دوشنبې په ورځ له ترکیې سره پر پوله یو بلغاریایی پوله ساتونکی په ډزو وژل شوی دی. چارواکو د دې سرتېري د وژنې پړه پر قاچاق وړونکو اچولې ده. دا په داسې حال کې ده چې د بلغاریا د کورنیو چارو وزارت شمېرې ښي چې د دغه هېواد امنیتي ځواکونو د روان کال په لومړیو نهو میاشتو کې تر ۱۲ زره غیرقانوني کډوال نیولي دي.