د لومړي ځل لپاره یوتن افغان کډوال چې د رومانیا پلازمینې بخارست د کډوالو په یو کمپ کې میشت دی کډوال نیوز ته خپله کیسه کوي. نوموړي چې د افغانستان په ختیځ کې له امریکايي ځواکونو سره دنده ترسره کوله د امنیتي ستونزو له امله هیواد پريښودو ته اړشوی.
د انساني قاچاقچیانو د یوې شبکې اوه کسیزه ډله د فرانسې د لیون ښار محکمې له لوري بیلابیلو اروپايي هیوادو ته د زرګونه پاکستاني، هندي او بنګله دیشي اتباعو په لیږدولو تورنه و پیژندل شوه.
د اس او اس مدیترانې سازمان د دوشنبې په ورځ وویل چې د سیسیل په پوزالو بندر کې یې د ژغورل شویو ۳۹ کډوالو د ښکته کولو اجازه ترلاسه کړې. یاد کسان تېره جمعه د لیبیا په ساحلي اوبو کې ژغورل شوي وو.
د الان کردي په نامه ژغورونکې کښتۍ د پنجشنبې په ماسپښین د لیبیا په ساحلي اوبو کې ۸۴ کسان ژغورلي دي. دغه راز د اوشېن وایکنګ ژغورونکې کښتۍ د پنجشنبې په شپه ۶۰ کډوال ژغورلي دي.
د شمالي مقدونیې پولیس وایي چې د پنجشنبې په ورځ یې ۴۳ کډوال په یوه لارۍ کې موندلي دي. یاد کسان له هغې وروسته وموندل شول چې لارۍ چلوونکي غوښتل د پولیسو له یوې پوستې ډډه وکړي.
د شمالي مقدونیې پولیس وایي چې د دوشنبې په ورځ یې له صربیا سره پر خپله پوله ۸۱ کډوال په یوه لارۍ کې موندلي دي. یاد کسان له هغې وروسته ونیول شول چې لارۍ چلوونکی د تلاشۍ له پاره پوستې ته د موټر له درېدو ډډه وکړه او له سیمې وتښتېد.
د شمالي مقدونیې پولیسو وایي چې په یوه سپورټي موټر کې یې ۲۲ پاکستاني او بنګله دېشي کډوال موندلي دي. پولیسو زیاتوي چې موټر چلوونکی یې هم نیولی دی.
د تونس ملي ګارد د سه شنبې په ورځ وویل د دې هیواد په ساحلي اوبو کې یې د دوشنبې په شپه ۷۱ کډوال له ډوبېدو ژغورلي دي. یاد کسان غوښتل چې له لیبیا څخه ایټالیا ته ولاړ شي.
د جرمني سازمان سي ای کښتۍ ایلان کردي له خوا ژغورل شوي ۴۴ کډوال د سه شنبې په ورځ مالتا هیواد ته ورسېدل. تر دې مخکې مالتا د یادو کډوالو منلو ته چمتووالی ښودلی و.
د اروپا د بهرنیو پولو د ساتنې اداره یا فرونتکس د شنبې په ورځ په خپله ټویټر پاڼه د کډوالو یوه ویډیو خپره کړه. په ویډیو کې لیدل کېږي چې مدیترانه کې ۸۰ کډوال له یوې کب نیوونکې کښتۍ څخه تر وتلو وروسته په یوه کوچنۍ بېړۍ سپرېږي.
په تېرو څو اونیو کې د هغو کډوالو په شمېر کې زیاتوالی راغلی چې اروپایي هیوادونو ته د رسېدو په هیله د مدیترانې له اوبو څخه تېرېږي. بشپړ معلومات.
مدیترانه کې د کډوالو د یوې ډوبې شوې کښتۍ پاتې برخې د ونیز په یو مشهور هنري فېسټیوال کې نندارې ته اېښودل کېږي. ۲۰۱۵م کال کې د یادې کښتۍ د ډوبېدو په پېښه کې۹۰۰ کډوال ووژل شول.