د بوسنیا په بیهاچ ښار کې لسګونه افغان کډوال په کنډوالو کې شپه سبا کوي. نسیم یو له دغو مهاجرو دی چې د بیهاچ ښار په یوه ویجاړه ودانۍ کې اوسېږي. هغه چې اروپا ته د اوښتو هڅه کوي د خپلو سترګو لیدلی حال وایي.
لیپا مهاجر کمپ چې په بوسنیا کې موقعیت لري څو اونۍ مخکې پرانیستل شوی دی. دې کمپ کې د شته اسانتیاوو سربېره ډېری مهاجر لا هم د بوسنیا ښار په کنډوالو کې شپه سبا کوي. دوی چې ډېری یې افغانان دي او اروپایي ټولنې ته د اوښتو هڅه کوي وایي، لیپا د یادې ټولنې غړي هیواد کروشیا له پولې څخه لرې ده.
د هنګري یوې محکمې دوه بوسنیایان اتریش ته د ۱۷ افغانانو په ګډون د ۱۹ کډوالو د قاچاق په تور په بند محکوم کړي دي. د یادولو ده چې د محکمې د دغې پرېکړې تطبیق الزامی نه دی.
د کروشیا پلازمېنه زاګرب کې جوړ شوی نندارتون د هغو مهاجرو او پناه غوښتونکو یادونه کوي چې اروپایي هیوادونو ته د رسېدو په هیله بالکان مسیر کې مړه شوي دي.
بوسنیا یوه له هغو هیوادونو ده چې په زرګونو مهاجر پکې ایسار پاتې دي. ډېری دغه کسان غواړي چې د کروشیا له پولې په تېرېدو سره اروپایي هیوادونو ته ځان ورسوي.
بوسنیا یوه له هغو هیوادونه ده چې اروپا ته راتلونکي زرګونه پناه غوښتونکي پکې ایسار پاتې دي. ډېری دغه مهاجر هغه افغانان دي چې له جګړو څخه تښتېدلي او غواړي چې اروپایي هیوادونو ته ځان ورسوي. افغان مهاجر جمال* چې له شاوخوا درېو کلونو راهیسې په بوسنیا کې اوسېږي، کډوال نیوز ته د خپلو سترګو لیدلی حال وایي.
د بوسنیا په مهاجرو کمپونو کې د کورونا ویروس پېښې له حده زیاتې شوې دي. چارواکي وایي چې په تېرو دوو اونیو کې یوازې په یو مرکز کې د کورونا ۱۴۷ پېښې ثبت شوې دي.
د ډنمارک د کډوالۍ شورا په حواله د بوسنیا او کروشیا پر ګډه پوله کروشیایي سرتېرو یوه افغانه مهاجره ځورولې، ورته یې د چړې په واسطه ګواښ کړی او اړ یې کړې چې خپل ټول کالي وباسي.
بوسنیا کې د ملګرو ملتونو سازمان پرون دوشنبه د کروشیا او بوسنیا پر ګډه پوله د مهاجرو ډله ییز اخراج او تاوتریخوالي ته د پای ټکي ایښودلو غوښتنه وکړه. په وینا یې د اپریل پر ۲مه مرستندویان او د بشري حقونو سازمانونه د کروشیا او بوسنیا پر پوله د مهاجرو له یوې ډلې سره مخ شوي چې بر بدنونو یې ټپونه لیدل کېدل او کاليو ته یې اړتیا درلوده.
بوسنیا کې بند پاتې مهاجر هڅه کوي چې د کروشیا له پولې په تېرېدو سره ځان د اروپایي ټولنې غړو هیوادونو ته ورسوي. خو ډېری وختونه له پولې څخه د تېرېدو هڅې سختې او له ګواښونو ډکې دي. د بوسنیا په بیهاچ او ولېکا کلادوشا ښارونو کې ایسار سلګونه مهاجر وایي چې دوی په وار وار کروشیا ته د اوښتو لپاره زیار ایستلی، خو هر ځل پولیسو نیولي او په تاوتریخجنه طریقه یې بېرته بوسنیا ته استولي دي.
د بیهاچ ښار مرکزي قبرستان په یوه برخه کې تر لسو زیات داسې قبرونه لیدل کېږي چې په ډېریو کې ګمنامه کسان خښ شوي دي. د ځینو دغو قبرونو پر ډبرو دا کلیمه لیکل شوې ده: نوم یې نه دی معلوم. خو دا په اصل کې د هغو مهاجرو قبرونه دي چې د ګواښونو له امله یې خپل هیوادونه پرېښودلي.
بوسنیا کې د لیپا کمپ او د بیهاچ ښار ترمنځ لسګونه مهاجر د سړکونو پر غاړو لیدل کېږي. دا هغه خلک دي چې د کروشیا له پولې اروپا ته د اووښتو شیبې شماري. کډوال نیوز د دغو مهاجرو د ژوند وضعیت د لیدلو په موخه بوسنیا ته تللی دی.