په تېرو دوو ورځو کې د کډوالو ژغورونکې کښتۍ په سلګونو مهاجر د لیبیا په ساحلي اوبو کې ژغورلي دي. اټکل کېږي چې یادو کسانو د هوا په ښه کېدو سره د اروپا په لور خپل سفر پیل کړی وي.
لمپدوسا د ایټالیا یو کوچنی ټاپو دی چې په مدیترانه کې موقعیت لري. د دغه ټاپو په سواحلو کې ډېری وختونه هغه کډوال له بېړیو ښکته کېږي چې له لیبیا او یا تونس څخه راغلي وي. لمپدوسا ته رسېدونکي کډوال داسې یو مرکز ته لېږدول کېږي چې یوازې د ۹۶ کسانو ظرفیت لري.
ایټالیا وایي چې د ۱۳ هیوادونو د اتباعو د پناه غوښتنې دوسیو د ارزونې موده به له ۲ کالو څخه ۴ میاشتو ته راټیټه شي. مراکش، الجزایر، تونس، ګانا او سنېګال د دغو «امنو» هیوادونو په ډله کې دي. په همدې حال کې سازمانونه وایي چې دغه فرمان به پر همجنس بازو کډوالو منفي اغېز ولري.
د جرمني سازمان سي ای کښتۍ الان کردي کې پاتې ۵ کډوال د سه شنبې په ورځ مالتا کې ښکته شول. یاد کسان د اګست له ۳۱مې راهیسې مدیترانه کې بند پاتې وو.
د یکشنبې په شپه (د سپټمبر ۱مه) د کورسیکا لینا کمپنۍ یوه مسافر وړونکې بېړۍ له مدیترانې څخه ۱۸ کډوال وژغورل. دا لومړی ځل دی چې دغه فرانسوۍ کښتۍ مدیترانه کې د کډوالو د ژغورنې عملیات ترسره کوي.
د ایټالیا د کورنیو چارو وزیر ماتیو سالویني د یکشنبې په ورځ (د سپټمبر ۱ نېټه) د یو نوی فرمان په لاسلیکولو سره د الان کردي په نامه کښتۍ منع کړه چې د دغه هیواد ساحلي اوبو ته داخله شي. بل لور ته د مار جونیو ژغورونکې کښتۍ اعلان کړی چې د روغتیایي دلایلو له کبله کډوال باید یو خوندي بندر کې کوز کړي.
تونس کې د سره صلیب ټولنه وایي د پنجشنبې په ورځ د دې هیواد له ساحلي اوبو څخه د ۳۸ نورو کډوالو جسدونه موندل شوي دي. تېره پنجشنبه د کډوالو د یوې کښتۍ د ډوبېدو په پېښه کې په لسګونو کډوال ډوب شول. تر اوسه پورې د موندل شویو جسدونو شمېر ۶۸ تنو ته رسېدلی دی.
له تېرې چهارشنبې راهیسې د پاریس د منیل – املو د کډوالو په اداري توقیف ځای کې دوه ځله د ځان وژنې هڅې شوې دي. د مهاجر پلوه سازمان سیماد په حواله د اداري توقیف د مودې غځېدو د هغو کډوالو د ناامیدۍ لامل ګرځي چې اداري توقیف ځایونو کې په بند کې دي.
د تونس ملي ګارد د سه شنبې په ورځ وویل د دې هیواد په ساحلي اوبو کې یې د دوشنبې په شپه ۷۱ کډوال له ډوبېدو ژغورلي دي. یاد کسان غوښتل چې له لیبیا څخه ایټالیا ته ولاړ شي.
په تېرو څو اونیو کې د هغو کډوالو په شمېر کې زیاتوالی راغلی چې اروپایي هیوادونو ته د رسېدو په هیله د مدیترانې له اوبو څخه تېرېږي. بشپړ معلومات.
د ایټالوي رسنیو په حواله د پنجشنبې په شپه تر۷۰ ډېر کډوال د ایټالوي سرتېرو له خوا په لامپدوسا بندر کې ښکته کړل شوي دي. د ایټالیا د کورنیو چارو وزیر ویلي چې یاد کډوال باید له ایټالیا څخه اخراج کړل شي.
د تونس ولسمشر باجي قايد سبسي ويلي چې هيواد به يې په خپله خاوره کې د اروپايي اتحاديې له پاره باندني مهاجر کمپونه جوړ نه کړي.