د بریتانیا د کورنیو چارو وزیرې سوئلا براورمن چې رونډا ته د پناه غوښتونکو د استولو په اړه د خبرو لپاره دغه هیواد ته سفر کړی و، د سه شنبې په ورځ بیرته خپل هیواد ته ستنه شوه.نوموړې د خپل سفر په جریان کې د پناه غوښتونکو د یوه کمپ پر وړاندې د خندا له امله له سختو غبرګونونه سره مخامخه شوې.
د لندن عالي محکمې د دوشنبې په ورځ پریکړه وکړه چې «رونډا ته د پناه غوښتونکو د لیږلو» پلان قانونی دی. د بریتانیا حکومت غواړي چې د دغه پلان له مخې په وړو کښتیو کې دغه هیواد ته د تلونکو کډوالو مخه و نیسي. د بشري حقونو ملاتړ ادارې دغه پریکړه د بریتانیا په تاریخ کې یوه توره ورځ بللې.
د روان کال په لومړیو میاشتو کې لندن له کیګالي سره یو تړون لاسلیک کړ چې له مخې یې د انګلیس کانال له لارې برېتانیا ته اوښتونکي کډوال رونډا ته استول کېږي. همدارنګه د ډنمارک چارواکو څه موده مخکې وویل چې رونډا ته د کډوالو د ستنولو پلان په هکله له دغه افریقایي هېواد سره هوکړې ته رسېدلی دی. خو ایا رونډا د کډوالو مناسبه کوربه ده؟
د ډنمارک چارواکي وایي له رونډا سره یوې هوکړې ته رسېدلی چې له مخې به یې له ډنمارک څخه دغه افریقایي هېواد ته د کډوالو ستنولو پر پلان کار پیل کړي.
بریتانوي رسنیو راپور ورکړی چې د هغو ۷۰ کډوالو ترمنځ چې ټاکل شوې راتلونکي اونۍ رونډا ته واستول شي، افغانان هم شامل دي. سربیره پر دې انديښنې دادي چې په دغه لومړنۍ ډله کې یو شمیر کم عمره پناه غوښتونکي هم دغه افریقايي هیواد ته استول کیږي.
د بریتانیا د کورنیو چارو وزارت منلي چې یو شمیر هغه پناه غوښتونکي يي نیولي چې رونډا ته يي د استولو په اړه پریکړه شوې.چارواکي ویلي چې بریتانیا ته په وړو کښتیو کې رسیدلي دغه خلک اوس په توقیف مرکزونو کې ساتل کیږي. نیول شویو کسانو کې یو افغان هم شامل دی.
د بریتانیا حکومت پریکړه کړې چې هیواد ته يي په ناقانونه ډول رسیدلي پناه غوښتونکي به رونډا هیواد ته واستوي. د حکومت له دغه خبردارۍ سربیره په تیرو څو ورځو کې سلګونه پناه غوښتونکي په ناقانونه ډول بریتانیا ته رسیدلي دي.
وروسته له هغه چې بریتانیا پریکړه وکړه چې د انګلیس چینل له لارې تلونکي کډوال به رونډا هیواد ته واستوي، دا لومړی ځل دی چې نن یکشنبه ۲۵۴ کډوال له همدغې لارې له فرانسې څخه بریتانیا ته رسیږي.