د سربیا د کورنیو چارو وزارت د چهارشنبې په ورځ خبر ورکړ چې د بلګراد په ګډون د دغه هیواد په پنځو ښارونو کې د ناقانونه کډوالو پر وړاندې يي ستر علمیات ترسره کړي چې په پایله کې ۶۶۸ ناقانونه کډوال نیول شوي. د کورنیو چارو وزارت د یو شمیر نیول شویو کسانو ویډیو خپره کړې.
د سلوانیا پولیس، ۱۳ تنه په دې تور نیولي چې کډوال يي د بالکان له لارې اروپايي هیوادونو ته په ناقانونه ډول لیږدول. قاچاقچیان د سلواني، صربیا او بوسنیا اصلي اوسیدونکي دي چې د کډوالو د قاچاق له اړخه يي ۳ میلیونه یورو ګټه ترلاسه کړې.
د هنګري پولیس ویلي چې د قاچاقبرو یو موټر چې کډوال يي لیږدول چپه شوی او ۱۱ تنه افغان په دغه پیښه کې ټپیان شوي. د موټر چلونکي هڅه کوله چې د پولیسو پوستې ته نږدې نه شي.
د اروپايي ټولنې او لویدیځ بالکان هیوادونو پر داسې یو پلان هوکړې ته رسیدلي چې موخه يي د لویدیځ بالکان هیوادونو له لارې اروپا ته د ناقانونه کډوالو د څپو مخنیوی بلل شوې. پر پولو د څار ډیرول او د ویزې په پالیسو کې سمون د دغه نوي پلان لومړیتوبونه دي.
د هغه وروسته چي اروپايي اتحاديې پر سربستان د زياتو افريقايي او آسيايي هيوادونو سره د ويزه نه لرلو لپاره فشارونه وارد کړل، اوس سربستان د تونس او بروندي وګړي په ويزه مکلف کړي دي.
د فرانسې خبري آژانس خبر ورکړی چې دوه کډوال بلغاریا پولې ته نږدې سربیا کې د اورګاډي سره د ټګر له امله خپل ژوند له لاسه ورکړی.