د اتریش دولت د پنجشنبې په ورځ خبر ورکړ چې یوه ۲۰۵ کسیزه ډله چې په مرکزي اروپا کې يي فعالیت درلود، د انساني قاچاق په تور نیولې. دغه ډله له هنګري څخه اتریش ته د لسګونه زره کډوالو د قاچاق زمینه برابره کړې.
د اروپا د سرحدونو د ساتنې ادارې ( فرانټکس) غواړي چې راتلونکو پنځو کلونو کې د خپلو سرحدي او سمندري ساتونکو د دایمي کارکوونکو شمیر ۱۰ زره تنو ته لوړ کړي. یوه نادولتي سازمان ویلي چې یاده اداره اوس پر دې غور کوي چې خپل ساتونکي پر « وژونکي او غیر وژونکي» وسلې مسلح کړي.
څو ورځې مخکې د سوریایي سازمانونو د پلټفارم مشر ویلي وو چې په تېرو څو وختونو کې زرګونه کډوال له ترکیې څخه سوریې ته شړل شوي دي چې په ډله کې یې افغانان هم دي. کډوال نیوز له هغو څلورو افغان مهاجرو سره مرکه کړې ده چې سوریې ته اخراج شوي دي.
د سوریایي سازمانونو د پلټفارم مشر په حواله تېرو څو ورځو کې لږ تر لږه د ۲۰۰ کډوالو اقامت کارتونه لغوه شوي دي. په وینا یې زرګونه کډوال له ترکیې څخه سوریې ته شړل شوي دي چې په ډله کې یې د نورو هیوادونو اتباع هم دي.
اروپايي محکمې فيصله کړې چي د اروپايي اتحاديې يو غړی هيواد په بل غړي هيواد کي د قبول سوي پناه غوښتونکي نوې پناه غوښتنه ردولای سي.
د اروپايي ټولنې کمیسیون د معلومات له مخې د جولای څخه تر سپتمبر میاشتې پورې ۱۵۵۵۰۰ تنو د اروپايي ټولنې غړو هیوادونو کې د پناه غوښتنه کړې چې دا د تیر په پرتله ۴۸ سلنه ډیروالی ښيي. افغانان د پناه غوښتونو تر ټولو ډیر شمیر جوړوي.
وروسته له هغه چې ایټالیا د« بشردوستانه دهلیز» له لارې د ۱۲۰۰ کډوالو د منلو پریکړه وکړه، د پنجشنبې په ورځ لومړنۍ ډله افغانان د دغه پروګرام له لارې ایټالیا ته ورسیدل. له اګست میاشتې راهیسې دا لومړۍ ډله ده چې د بشر دوستانه دهلیز له لارې دغه هیواد ته رسیږي.
د فرانسې خبري آژانس د چهار شنبې په ورځ خبر ورکړ چې د آلمان فدرالي پوليسو ويلي چې د دغه هیواد په دوو ايالتونو کې يې د انساني قاچاق وړونکو پر مشکوکو ځايونو چاپې وهلي دي. چارواکو ویلي چې یو سوریايي کس يي د انساني قاچاق په تور نیولی.
د چهارشنبې په ورځ په آلمان کي د ايالتونو د کورنيو چارو د وزيرانو سرمشريزه پلان سوې. مرستندويه سازمانونو و افغانستان او سوريې ته د اخراجونو د درولو ږغ کړی دی.
صبريه الفيد په دنمارک کي يوه سوريايي مهاجره ده. هغه د ګڼ شمير نورو مهاجرو په شان بيره لري چي دنمارک به يې خپل هيواد سوريې ته اخراج کړي.
د اروپايي اتحاديې په غړو هيوادونو کي په ۲۰۲۰ کال له هغه څخه د مخکي کال په پرتله لږ شمير پناه غوښتونکو ته پناه ورکړل شوې ده. د اروپايي هیوادونو له ډلې آلمان هغه هیواد دی چې تر ټولو ډیر پناه غوښتونکي يي منلي دي.
د آلمان د لامبو وهلو د سپورټ سراتحاديې دوو سوريايي لامبو وهونکو مهاجرو ته دعوت ورکړی چي ورسره يوځای د اولمپيک غوراوي کي ګډون وکړي.