د الارم فون ټیلفوني بنسټ لخوا له چارواکو د مرستې له غوښتنی وروسته د فبرورۍ په ۹مه د مدیترانې سمندر په یوه کښتۍ کې سپاره ۹۱ تنه کډوال لادرکه شول. د کډوالۍ نړیوال سازمان د اټکل له مخې ۱۳۳۶۷ تنه کډوال په ۲۰۱۴ کال کې د مدیترانې په اوبو کې لادرکه شوي.
د فرانسې د پا دو کلې سیمې یوې محکمې تېره ورځ دوه اریتریایان د یوه سوډاني کډوال د وژنې په تړاو په ۱۲ کاله بند محکوم کړل. دغو دوو کسانو په کال ۲۰۱۶ کې د شخړې پر مهال یو سوډانی مهاجر وژلی و.
ځینو خبري رسنیو ویلي چې د چهارشنبې په شپه او د پنجشنبې په ورځ د فرانسې په کالې ښار کې د کډوالو ترمنځ شخړې کې لږترلږه ۷ اریتریایي او سوډاني مهاجر ټپیان شوي دي.
د اس او اس مدیترانې او بې سرحده ډاکټرانو ژغورونکې کښتۍ اوشېن وایکنګ تېره ورځ د سپټمبر ۱۸مه ۷۳ کډوال د لیبیا له ساحلي اوبو څخه وژغورل. اوس مهال یاده کښتۍ کې تر ۱۸۰ ډېر کډوال سپاره دي.
د تونس ملي ګارد د سه شنبې په ورځ وویل د دې هیواد په ساحلي اوبو کې یې د دوشنبې په شپه ۷۱ کډوال له ډوبېدو ژغورلي دي. یاد کسان غوښتل چې له لیبیا څخه ایټالیا ته ولاړ شي.
مدیترانه کې د کډوالو د یوې ډوبې شوې کښتۍ پاتې برخې د ونیز په یو مشهور هنري فېسټیوال کې نندارې ته اېښودل کېږي. ۲۰۱۵م کال کې د یادې کښتۍ د ډوبېدو په پېښه کې۹۰۰ کډوال ووژل شول.
د دوشنبې پر ورځ شاوخوا ۱۵۰ افریقایي کډوال چې د لیبیا په مصراتا ښار کې ژغورل شوي وو د ایټالیا یو نظامي هوایي ډګر ته انتقال شول.
ځینې مهاجر پلوه سازمانونه وایي چې د فرانسې په ګراند سنت ښار کې عراقي قاچاق وړونکي کډوال ډاروي. دوی زیاتوي چې کډوال د کردي قاچاق وړونکو له وېرې نه غواړي چې دولتي استوګنځایونو ته ولاړ شي. د ګراند سنت ښاروالۍ ځینو کډوالو ته په یو جمنازیم او یو مرکز کې د اوسېدو ځایونو برابر کړي دي.
د نانت په سنت – اېربلېن ښارګوټي کې په سلګونو کډوال په یوه جمنازیم کې اوسېږي. دې ځای کې کډوال تر خیمو لاندې ژوند کوي. دوی وایي چې دولت د هغوی د ژوند وضعیت ته پام نه کوي.
له څو اونیو راهیسې شاوخوا ۲۰۰ کډوال، چې په ډله کې یې ښځې او ماشومان هم شته، د نانت ښار په یو جمنازیم کې ژوند کوي. خو دغه جمنازیم له چتلۍ نه ډک دی. ځینې سازمانونه او ډلې د دغه جمنازیم له اوسېدونکو سره مرسته کوي.
نن پنجشنبه (د جنورۍ ۳۱مه) د پاریس د لا ویلت سیمې د یو ناقانونه کمپ اوسېدونکو ته د سرپناه ورکولو عملیات پیل شول.
د نوټر – دم د فوایې کلیسا د پاریس په ۱۹ سیمه کې موقعیت لري. هره اونۍ ګڼ شمېر کډوال د دغې کلیسا په تاکوي کې راټولېږي ترڅو ګرمې جامې تر لاسه کړي، خواړه وخوري او یا له حقوقي او روحي مرستو څخه برخمن شي. رپوټ.