بالکان لار: تر ۱۵۰ ډېر قاچاق وړونکي نیول شوي دي
د رسنیو د راپورونو له مخې فرانتکس، یوروپول او اسپانیا د اکټوبر د میاشتې په پای کې د بالکان پر لار او په سوېل ختیځه اروپا کې تر ۳۸۰ ډېر کسان نیولي دي چې ۱۵۹ تنو یې د کډوالو په قاچاق کې لاس درلود.
شمالي مقدونیه
شمالي مقدونیه: امنیتي ځواکونو د ۴۰۰ کډوالو مخه نیولې ده
د شمالي مقدونیې پولیس وایي چې په تېرو څلورو ورځو کې یې له یونانه دغه هېواد ته د شاوخوا ۴۰۰ کډوالو د ننوتو مخه نیولې ده. ډېری دغه کډوال د افغانستان او سوریې اصلي اوسېدونکي دي.
اروپايي اتحاديه د بالکان پر مسير د خپلو سرحداتو ساتنه پراخوي
اروپايي اتحاديې د چهارشنبې په ورځ د شمالي مقدونيې سره يو تړون لاسليک کړ. د دغه تړون له مخي به د فرونتکس چارواکو حضور په مقدونيه کي زيات کړل شي.
د شمالي مقدونیې ځواکونو د پاکستانیانو په ګډون ۱۴۲ کډوال نیولي
د شمالي مقدونیې چارواکي وایي چې د پنجشنبې ورځې په سهار د دغه هېواد په سوېلي برخه کې چې له یونان سره ګډه پوله لري د کډوالو یوه ۱۴۲ کسیزه ډله نیولې ده.
شمالي مقدونیه: ۲۶ کډوال په یوه لارۍ کې نیول شوي دي
د شمالي مقدونیې پولیس وایي چې پرون سه شنبه سهار د اګست ۲۳مه یې په یوه لارۍ کې ۲۶ کډوال موندلي دي. پولیسو دغه راز د یو شکمن قاچاق وړونکي د نیولو خبر ورکړی دی. د کډوالو دغه لارۍ له یونانه د صربستان پر لور روانه وه.
شمالي مقدونیه: د کډوالو لارۍ نسکورېدو پېښه کې ۳۵ تنه ټپیان شوي دي
د شمالي مقدونیې چارواکي وایي چې د تېرې چهارشنبې په ماښام دغه هېواد کې د کډوالو د یوې لارۍ نسکورېدو پېښې ۳۵ تنه مهاجر ټپیان کړي دي. ویل کېږي چې یاد کډوال له یونان څخه شمالي مقدونیې ته اوښتي وو.
د مهاجرو ډلو يو پاکستانی وژلی دی
د يونان په شمال کي د مهاجرو ډلو يو پر بل بريدونه کړي دي چي په ترڅ کي يې يو پاکستانی وژل شوی دی.
شمالي مقدونیه: پولیسو ۸۷ کډوال او د قاچاق په تړاو دوه شکمن کسان نیولي دي
د شمالي مقدونیې پولیس وایي چې د دغه هېواد په سوېلي په برخه کې یې ۸۷ کډوال په یوه لارۍ کې موندلي دي. د چارواکو په حواله پېښه کې د انساني قاچاق په تړاو دوه شکمن کسان هم نیول شوي دي.
شمالي مقدونیه کې دوه کډوال د اورګاډي لاندې شوي دي
د شمالي مقدونیې چارواکي وایي چې د دغه هېواد په سوېلي سیمه کې دوه مهاجر د اورګاډي په پېښه کې وژل شوي دي. د چارواکو په وینا یاده پېښه د چهارشنبې په شپه رامنځته شوې ده.
شمالي مقدونیه: پولیسو یوه لارۍ کې ۲۴ کډوال نیولي
د شمالي مقدونیې امنیتي ځواکونو د تېرې یکشنبې په ورځ د دغه هیواد د سوېلې سیمې پر لویه لاره په یوه لارۍ کې ۲۴ کډوال نیولي دي. په ورته مهال د مقدونیې دوه اتباع د انساني قاچاق په تور نیول شوي دي.
شمالي مقدونیې ۴ افغان خبریالانو ته د لنډې مودې لپاره پناه ورکړې
د ځایي رسنیو د راپورونو له مخې څلور افغان خبریالان چې افغانستان کې یې ژوند تر ګواښ لاندې و پرون چهارشنبه شمالي مقدونیې ته رسېدلي دي. ټاکل شوې ده چې دوی به نورو لویدیځو هیوادونو ته ولېږدول شي.
یونان د افغانستان د بشري حقونو د فعالانو یوې ۳۵ کسیزې ډلې ته پناه ورکړې
یوناني چارواکو د افغانستان د بشري حقونو فعالانو یوې ۳۵ کسیزې ډلې او د دوی د کورنیو غړو ته پناه ورکړې ده. له تېرې څه مودې راهیسې دغه ډله په شمالي مقدونیه کې اوسېدله.