د فرانسې د کډوالۍ او دغام اداره ( اوفي) هغو کډوالو سره چې د دغه هیواد په شمالي ښار کالې او یا د هرکلي په مرکزونو کې ژوند کوي او غواړي بیرته خپلو هیوادونو ته وګرځي نغدي مرستې کوي. دغه مرستې څه دي او څه ډول تر سره کیږي؟ مهاجر نیوز يي په اړه معلومات وړاندې کوي.
د آلمان سرحدي پوليسو د مهاجرو د قاچاق کولو يوه غير عادي بڼه بې نقابه کړې ده. يوه عراقي کورنۍ په خصوصي الوتکه کي مونشن ته رسېدلې.
د فرانسې د پولیسو یوه سرچینه وایي چې تېره شنبه د شپې د ۱۱ بجو په شاوخوا کې یې یوه لارۍ کې د یوې مېرمنې او یو دوه کلن ماشوم په ګډون ۱۴ عراقیان موندلي دي. د سرچینې په حواله د موندل شویو روغتیایي وضعیت ښه دی.
د لومړي ځل لپاره یوتن افغان کډوال چې د رومانیا پلازمینې بخارست د کډوالو په یو کمپ کې میشت دی کډوال نیوز ته خپله کیسه کوي. نوموړي چې د افغانستان په ختیځ کې له امریکايي ځواکونو سره دنده ترسره کوله د امنیتي ستونزو له امله هیواد پريښودو ته اړشوی.
د بلجیم یوې محکمې یو بلجیمی سرتېری د ۲ کلنې مودا پر وژنې تورن کړی. کردۍ مهاجره مودا په ۲۰۱۸ کې د بروکسل په سوېلي سیمه والوني کې وروسته له هغه مړه شوه چې یوه مرمۍ یې په سر ولګېده.
د فرانسې د رن سیمې څارنوال فیلیپ استروک وایي چې ۱۶ عراقیان چې د فرانسې او برتانیا ترمنځ د کډوالو په قاچاقولو تورن دي محکمې ته تر معرفي کېدو وروسته تر نظارت لاندې شوي دي.
د رپوټونو له مخې د فرانسې سمندري ځواکونو تېره ورځ په مانش کانال کې د ۱۱ ماشومانو په ګدون نږدې ۴۰ کډوال نیولي دي. دغو کسانو غوښتل چې د مانش کانال له لارې ځانونه برتانیا ته ورسوي.
د شمالي مقدونیا پولیس وایي چې د سه شنبې په ورځ یې په یوه لارۍ کې ۳۶ کډوال موندلي دي. دوی زیاتوي چې د لارۍ موټروان یې هم نیولی دی.
د یونان د پولیسو یوې سرچینې د دوشنبې په ورځ وویل چې د دغه هیواد د موریا کمپ په یوه توقیف خونه کې یوه ۳۱ کلن ایراني کډوال ځان غرغره کړی دی.
یوې خیریه ادارې د پنجشنبې په ورځ وویل چي له ۲۴ ساعتونو څخه په کمه موده کې دوه کډوال د یونان په تیسالونیکي ښار کې ځان وژنه کړې ده. یو افغان خپل ځان به دار وځاړاوه او یو عراقی د پنجشنبې په سهار خپل زوند پای ته ورساوه.
برتانوي چارواکو ویلي چې د سه شنبې په ورځ یې د دغه هیواد دوور ساحل ته نږدې د لسو ماشومانو په ګډون تر ۶۰ ډېر کډوال نیولي دي کوم چې په ۵ کوچنیو بېړیو کې سپاره ول. بل لور ته فرانسوي چارواکي وایي چې د دوشنبې په شپه یې ۱۰ کدوال د کالې په اوبو کې ژغورلي دي.
د شمالي مقدونیې پولیسو ویلي چې د دغه هیواد په شمال ختیځه سیمه کې یې د ۷ کم عمره کډوالو په ګډون ۲۵ ټپي شوي مهاجر په یوه نسکوره شوې لارۍ کې موندلي دي.