قطر له طالبانو سره د کابل له هوايي ډګر څخه په چارتر الوتکو کې د تخليې پروګرام پر ادامې یو توافق ته رسیدلی دی. رويترز خبري آژانس وايي چې دغه اکسيوس خبري ويب پاڼي د قطر د بهرنيو چارو وزير په حواله خپور کړی دی.
امریکايي رسنیو ته ځینو سرچینو ویلي چې له کابل څخه قطر ته د تخليي ټولې الوتنې له تیرو دریو اونیو راهیسې له دې امله ځنډول شوې چې طالبانو غوښتل په دغو الوتکو کې خپل کسان او دوې ته نږدې افغانان قطر، عربستان او نور ځایونو ته د کار په موخه واستوي.
يوې آلمانۍ چارتر الوتکي ۳۴۵ کسان له کابل څخه و قطر ته انتقال کړل. دغه کسان به وروسته له قطر څخه نورو ځايونو ته انتقال کيږي.
په افغانستان کي د طالبانو د پر واک راتلو څخه تر دوو مياشتو زيات وخت تېرېدو وروسته يو ځل بيا يو شمېر افغان ښځينه ورزشکاراني له هيواد څخه دباندي انتقال کړل سوې.
د قطر هوایي شرکت تېره یکشنبه په یوه نوې الوتکه کې له افغانستان څخه ۳۵۳ افغانان او بهرنیان دوحې ته انتقال کړل. د امریکایي پوهنتون ځینې ښوونکي او محصلین په دغه ډله کې شامل ول.
د قطر د بهرنیو چارو وزارت وايي چې د دوشنبې په ماښام، ۳۰۰ نور مسافر د کابل له هوايي ډګر څخه دوحې ته رسیدلي دي. په دغو مسافرو کې د افغانانو او بهرنیانو په ګډون د افغانستان د پارلمان یو شمیر غړي، د ملګري ملتونو استازي او خبریالان شمال دي. بل پلو په ورته وخت ۸۴ نور افغانان د پاکستان له لارې اسپانیي ته رسیدلي دي.
د قطر د بهرنیو چارو وزارت وايي چې د یو شمیر افغان خبریالانو، د افغانستان د کریکټ ملي لوبډلې، او بهرنیو اتباعو په ګډون شاوخوا ۳۰۰ تنه د چهارشنبې په ورځ، له کابل څخه دوحې ته انتقال شوي دي.
د قطر د بهرنیو چارو وزارت خبر ورکړی چې له کابل څخه د قطر هوايي شرکت په یوه الوتکه کې ۲۳۵ نور مسافر دوحې ته رسیدلي دي. چارواکي ویلي چې ډیرۍ دغه مسافر افغانان دي.
قطري چارواکي وایي چې پرون یکشنبه د سپټمبر میاشتې ۱۹مه د یوې الوتکې له لارې ۲۳۶ افغانان، امریکایان او اروپایان له کابل څخه ایستل شوي دي.
د فرانسې د بهرنیو چارو وزیر قطر ته د خپل سفر په لړ کې د دغه هیواد د بهرنیو چارو له وزیر سره، له افغانستان څخه د یو شمیر خلکو د ایستلو پروسې د بیا پیلولو او د سولې په اړه خبرې کړي دي.