د رپوټونو له مخې مالتایي چارواکو تېره شپه د تالیا په نامه تجارتي کښتۍ کې سپرو ۵۰ مهاجرو ته دې هیواد کې د کوزېدو اجازه ور کړه. یاده کښتۍ د جولای میاشتې پر ۳مه د مالتا په ساحلي اوبو کې تر ۵۰ ډېر کسان ژغورلي ول.
د تالیا په نامه تجارتي کښتۍ د جولای میاشتې ۳مه د مالتا په ساحلي اوبو کې ۵۰ مهاجر وژغورل. دغه کښتۍ چې غوښتل یې نن دوشنبه اسپانیا ته ولاړه شي له تېرې جمعې راهیسې په مدیترانه کې بنده پاتې ده. په همدې حال کې مالتا وایي یوازې د اروپایي هیوادونو تر منځ د یادو مهاجرو پر وېشلو د موافقې په شرط دوی ته د ښکته کېدو اجازه ورکوي.
ژغورونکې کښتۍ اوشېن وایکنګ کې سپرو دوو مهاجرو پرون پنجشنبه اروپایي سواحلو ته د رسېدو په هیله ځانونه اوبو ته وغورځول. دغه کښتۍ له تېرې اونۍ راهیسې د مالتا او ایټالیا ترمنځ اوبو کې سرګردانه ده.
له څو ورځو راهیسې د مالتا په لا والت ښار کې هغه مهاجر چې د پرانیستي مرکزونو څخه شړل شوي او ځان ته د کورونو د کرایه کولو لپاره کافي امکانات نه لري د دې ښار د سړکونو پر غاړه شپه سبا کوي.
اس او اس مدیترانې سازمان وایي ژغورونکې کښتۍ اوشېن وایکنګ پرون سه شنبه د ایټالیا لمپدوسا ټاپو په ساحلي اوبو کې د مهاجرو دوه بېړۍ ژغورلې دي. اوس مهال یاده کښتۍ کې ټولټال ۱۸۰ کسان سپاره دي.
ژغورونکې کښتۍ اوشېن وایکنګ چې تېره پنجشنبه یې مدیترانه کې ۱۱۸ مهاجر ژغورلي وایي تر دې دمه یې له ایټالیا او مالتا څخه درې ځله د دغو مهاجرو د ښکته کولو لپاره د یو امن بندر د ټاکلو غوښتنه کړې، خو کوم ځواب یې نه دی ترلاسه کړی.
ژغورونکې کښتۍ اوشېن وایکنګ پرون پنجشنبه د دوو بېلابېلو عملیاتو په پایله کې له مدیترانې څخه لومړی ۵۱ او وروسته بیا ۶۷ مهاجر ژغورلي دي. یاده کښتۍ کې اوس ټولټال ۱۱۸ مهاجر سپاره دي.
د اروپايي اتحاديې کميسيون پر غړو دولتونو ږغ کړی دی چي د مالټا په سواحلو کي بند پاتي په سلهاؤ مهاجرو ته دي ځای ورکړي.
د مالتا حکومت تېره شنبه اعلان وکړ چې د یاد هیواد لومړی وزیر روبرت ابلا مدیترانه کې د مهاجرو د وژنې له تورونو سپین ختلی دی.
د ټایمز آف مالتا ورځپاڼې د یو رپوټ له مخې د مالتا حکومت د دغه هیواد د ساحلي ځواکونو له خوا د ۷۵ مهاجرو تر ژغورنې وروسته یوې توریستي بېړۍ ته د دوی د ساتلو ماموریت سپارلی. دا څلورمه بېړۍ ده چې له مدیترانه څخه ژغورل شوي کډوالو لپاره ځانګړې شوې ده. د کپتان مورګان په درېو نورو بېړیو کې ۳۵۰ مهاجر سپاره دي.
که څه هم مالتایي ځواکونو تېره جمعه مدیترانه کې ۱۴۰ مهاجر وژغورل خو مالتا ته یې د یادو مهاجرو د انتقاله ډډه وکړه. دغه کسان اوس د مالتا په ساحلي اوبو کې په یوه تجارتي بېړۍ کې سپاره دي.
د ملګرو ملتونو سازمان پرون پنجشنبه له اروپایي ټولنې څخه غوښته وکړه چې له مدیترانې څخه اروپایي بندرونو کې د ۱۶۰ مهاجرو د ښکته کولو پر سر موافقه وکړي. دغه کسان له دوو اونیو راهیسې د مالتا په ساحلي اوبو کې ۱۶۰ مهاجر ایسار پاتې دي.