ایټالیا وایي چې د ۱۳ هیوادونو د اتباعو د پناه غوښتنې دوسیو د ارزونې موده به له ۲ کالو څخه ۴ میاشتو ته راټیټه شي. مراکش، الجزایر، تونس، ګانا او سنېګال د دغو «امنو» هیوادونو په ډله کې دي. په همدې حال کې سازمانونه وایي چې دغه فرمان به پر همجنس بازو کډوالو منفي اغېز ولري.
د چهارشنبې په ورځ (د جون ۱۹مه) شاوخوا ۷۰۰ کډوال د بوسنیا له بیهاچ ښار څخه یو موقتي کمپ ته یووړل شول. خو یاده سیمه یوه پخوانۍ کثافت دانۍ ده چې د بوسنیا او کروېشیا په سرحدونو کې موقعیت لري. د ملګرو ملتونو ادارې دغه سیمه خطرناکه بللې او زیاته یې کړې چې کمپ کې کډوال روغتیایي خدماتو ته لاس رسی نه لري.
د یکشنبې په ورځ په سلګونو وګړو د بوسنیا په سرحدي ښار بیهاچ کې د کډوالو د پراخې څپې ضد اعتراضونه وکړل. د یادو اعتراض کوونکو په حواله هغه کډوال چې د بیهاچ ښار په سړکونو او پارکونو کې اوسېږي د ناامنیو او ناروغیو د زیاتېدو لامل کېدی شي.
له څو میاشتو راهیسې د هغو کډوالو شمېر چې د سربستان او مونتنګرو له لارې بوسنیا ته رسېږي په چتکۍ زیات شوی دی. دوی غواړي چې له سربستان نه کروېیشیې ته لاړ شي.