کډوال نیوز ته د رسېدلو معلوماتو له مخې د کډوالو ژغورونکې کښتۍ اوپن آرمز مدیترانه کې خپل فعالیت بیا پیل کړی دی. یاده کښتۍ له اګست میاشتې راهیسې د یوې ایټالوۍ محکمې د حکم پر بنسټ دغه هیواد کې بنده پاتې وه.
ګڼ شمېر مهاجر پلوه سازمانونه وایي چې مدیترانه کې یې کښتۍ د کډوالو د ژغورنې عملیاتو د ترسره کولو له امله تر سیاسي فشار لاندې دي. د یادو سازمانونو ځینې کښتۍ ضبطې شوې او کپیتانونه یې د ناقانونه کډوالۍ د ملاتړ په تړاو تورن شوي دي. کډوال نیوز معلومات ورکوي.
د اسپانیا ساحلي ګارد وایي چې د دوشنبې په ورځ (د سپټمبر ۲مه) یې مدیترانه کې نږدې ۲۰۰ کډوال ژغورلي دي. یاد کسان غوښتل چې د مدیترانې له لارې له شمالي افریقا نه اسپانیا ته ځان ورسوي.
د یکشنبې په ورځ (د اګست ۱۸مه) اوپن ارمز کښتۍ ځینې سپاره کډوال ځان اوبو ته وغورځاوه و هڅه یې وکړه چې لمپدوسا بندر ته ځان ورسوي. دوی د ژغورونکو له خوا کښتۍ ته بېرته راوړل شول. په همدې حال کې اسپانیا ویلي چمتو ده اوپن ارمز کې سپاره کډوال ومني، خو د پرواکتیوا اوپن ارمز سازمان دغه وړاندېز رد کړی.
د ایټالیا لومړی وزیر ګیسپ کونته د پنجشنبې په ورځ (د اګست ۱۵مه) وویل، شپږ اروپایي هیوادونه چمتو دي چې اوپن ارمز کښتۍ کې ۱۵۰ سپرو کډوالو ته پناه ورکړي. یاده کښتۍ له څو ورځو راهیسې د ایټالیا ساحلي اوبو ته نږدې بنده پاتې ده.
اسپانوي چارواکي د سه شنبې په ورځ (د اګست ۱۳) د پرواکتیوا اوپن ارمز سازمان هغه غوښتنه رد کړه چې وایي اسپانیا دې اوپن ارمز کښتۍ کې سپرو ۳۱ کم عمره کډوالو ته پناه ورکړي. د اسپانیا د پرمختګ وزیر خوزه لویس ابالوس وایي دغه غوښتنه کوم «حقوقي ارزښت» نه لري.
د جمعې په شپه اسپانوۍ کښتۍ اوپن ارمز ۳۹ کډوال په مدیترانه کې وژغورل. مالتا د یادو کډوالو منلو ته چمتووالی ښودلی، خو تر اوسه پورې د هغو ۱۲۱ کډوالو سرنوشت نامعلوم دی چې ۹ ورځې مخکې په مدیترانه کې ژغورل شوي وو. اوپن ارمز وایي چې مالتا باید ټول ژغورل شوي کډوال ومني.
اوپن آرمز سازمان وایي چې د پنجشنبې په شپه یې ۶۹ کډوال د لیبیا له ساحلي اوبو څخه ژغورلي دي. دا په داسې حال کې ده چې یاد سازمان د پنجشنبې په ورځ ۵۵ تنه نور له مدیترانې څخه وژغورل.
د روان کال له پیل راهیسې تر ۱۶ زره ډېر کډوال یونان ته ننوتلي دي. دا په داسې حال کې ده چې د د یونان نوی لومړی وزیر کیریاکوس میتسوتاکیس ویلي یوناني پولو کې به «امنیتي تدابیر ټینګ کړي.»
لیبیایي سرتېري وایي د دې هیواد په ساحلي اوبو کې یې د کډوالو یوې داسې کښتۍ نیولې چې ۵۳ کسان په کې سپاره وو. د یادو کسانو په ډله کې ۱۰ ښځې او یو ماشوم هم شته. بل لور ته اسپانوي چارواکي وایي چې د شنبې په ورځ یې د اسپانیا او مراکش تر منځ سمندر کې ۱۴۱ کسان ژغورلي دي.
پرواکتیوا اوپن ارمز سازمان وایي چمتو دی په مرکزي مدیترانه کې د کډوالو د ژوند د ژغورلو له پاره درنې جرمانې ورکړي او یا هم په بند محکوم شي. د یاد سازمان د ژغورنې کښتۍ د لیبیا د ساحلي اوبو په لور روانه ده.
د یوې اسپانیایۍ ډلې په حواله تېر کال تر ۱۰۰۰ ډېر کډوال په مدیترانه کې مړه شوي، خو چارواکو تر اوسه پورې یوازې د ۲۰۴ کسانو جسدونه موندلي دي.