د بيځايه کېدنې د څار نړيوال سازمان او د مهاجرو لپاره د ناروې هيواد مرستندويه سازمان په خپل راپور کي وايي چي په ۲۰۲۱ کال تر ۵۹ مليونو څخه زيات انسانان په خپل هيواد کي دننه بېځايه شوي و.
د هند پلازمېنه دېلي کې د افغانستان سفارت وایي چې د پخواني نظام تر ړنګېدو مخکې هند ته د درملنې لپاره د تللو افغانانو د لېږد لړۍ پیل شوې ده. په وینا یې تمه ده چې دا افغانان د ایران له لارې خپل هیواد ته ستانه شي.
د هندوستان د کورنیو چارو وزارت وايي چې افغانستان کې د طالبانو له واکمنیدو وروسته شاوخوا ۶۰ زره افغانانو د هندوستان د بریښنايي ویزو غوښتنه کړې. ډیری دغه افغانان له ایران، تاجکستان، ترکمنستان، ازبکستان او ځنیو نورو هیوادونو څخه د دغو ویزو غوښتنه کړې.
پر کابل د طالبانو تر ولکې وروسته سلګونه هغه افغانان چې د درملنې لپاره هند ته تللي وو دغه هیواد کې بند پاتې دي. پر خواله رسنیو خپرې شوې ویډیوګانې ښيي چې دغه افغانان په خورا سختو شرایطو کې ژوند تېروي او له جدي ستونزو سره مخامخ دي.
د هند پلازمېنه ډېلي کې د افغانستان سفارت وایي هلته د کورونا ویروس د پېښو تر زیاتېدو وروسته د افغانانو ژوند له ګواښ سره مخ دی. د رسمي شمېرو له مخې تر اوسه هند کې ۱۸۶ افغانان د کورونا له امله مړه شوي دي.
د ناروې د کډوالو شورا کلنی رپوټ ښيي چې تېر کال د نړۍ په ۶۱ هیوادونو کې ۴۵،۷ میلیونه کسان د جګړو له کبله او ۵،۱ میلیونه نور د افاتو له امله خپلو کورونو پرېښودو ته اړ شوي دي.
د انساني قاچاقچیانو د یوې شبکې اوه کسیزه ډله د فرانسې د لیون ښار محکمې له لوري بیلابیلو اروپايي هیوادو ته د زرګونه پاکستاني، هندي او بنګله دیشي اتباعو په لیږدولو تورنه و پیژندل شوه.
یونان کې د ۱۲«امنو هیوادونو» د لېست تر جوړېدو وروسته د بشري حقونو مدافع بنسټونه دغه هیواد کې د د پناه غوښتنې پروسې د سختېدو په اړه اندېښنې ښيي. د دغو بنسټونو په حواله د یونان نوی لېست د ځینو مهاجرو او په ځانګړې توګه د همجنس پالو ژوند له ګواښ سره مخوي. مرکه.
د شمالي مقدونیې پولیس وایي چې د دوشنبې په ورځ یې له صربیا سره پر خپله پوله ۸۱ کډوال په یوه لارۍ کې موندلي دي. یاد کسان له هغې وروسته ونیول شول چې لارۍ چلوونکی د تلاشۍ له پاره پوستې ته د موټر له درېدو ډډه وکړه او له سیمې وتښتېد.
د سلوانیا دولتي خبري اژانس وایي، سلوانیایي سرتېرو د دې هیواد په شمال ختیځه سیمه کې ۴۰ کډوال په یوه لارۍ کې موندلي دي. سرچینه زیاتوي چې ۶ نور کډوال هم سیمې ته نږدې په یو ځنګل کې موندل شوي دي.
د اسپانیایي چارواکو په حواله اسپانیا کې د بنګله دېشي قاچاق وړونکو یوه شبکه له منځه تللې ده. پولیس وایي چې تر ۳۵۰ ډېر کډوال د یادې شبکې په واسطه اسپانیا ته داخل شوي دي.
د راپورونو له مخې د بیهاچ ښار د کډوالو په یو مرکز کې د مهاجرو تر منځ په شخړه کې شاوخوا ۴۰ کسان ټپیان شوي دي.