پرون دوشنبه د سپټمبر ۱۴مه د ویټنام یوې محکمې یوه یخچالي لارۍ کې د ۳۹ ویټنامیانو د مرګ په تړاو ۷ کسان په بند محکوم کړل. د دغو ۳۹ ویټنامي مهاجرو مړي تېر کال د برتانیا پلازمېنې لنډن ته څېرمه په یوه یخچالي لارۍ کې موندل شوي وو.
فرانسوي او بلجیمي چارواکو په کال ۲۰۱۹ کې یوه لارۍ کې د ۳۹ ویتنامیانو د مړینې په تړاو نږدې ۳۰ کسان نیولي دي. داسې ګومان کېږي چې دغه کسان د انساني قاچاقو له یوې داسې ډلې سره تړاو لري چې مهاجر له اسیایي هیوادونو څخه اروپا ته انتقالوي. یاده لاري د ۲۰۱۹ په اکټوبر میاشت برتانیا کې موندل شوې وه.
ایرلنډي پولیسو د دوشنبې په شپه یو تن د ۳۹ ویټنامي کډوالو د وژنې په تړاو ونیو او د سه شنبې په ورځ یې محکمې ته معرفي کړ. ټاکل شوې چې نوموړی برتانیا ته وسپارل شي.
د لنډن پولیسو د پنجشنبې په ورځ وویل چې د سنارېسبروک محکمې له فرانسې څخه برتانیا ته د څلورو کم عمره ویتنامیانو د قاچاقولو په تړاو درې کسان په بند محکوم کړي دي.
تر څو اونیو انتظار وروسته د چهارشنبې په ورځ د ځینو هغو ویتنامي کډوالو جسدونه ویتنام ته ورسېدل چې د اکټوبر میاشتې په پای کې لنډن ته نږدې په یوه یخچالي لارۍ کې موندل شوي ول. اټکل دی چې په راتلونکو ورځو کې به د پاتې کډوالو مړي ویتنام ته ولېږل شي.
د دوشنبې په ورځ د هغې یخچالي لارۍ موټروان، چې د اکټوبر میاشتې په پای کې د ۳۹ ویتنامي کډوالو مړي پکې موندل شوي وو، د برتانیا په یوه محکمه کې له ناقانونه کډوالۍ سره د ملاتړ تور ومانه. دا په داسې حال کې چې پولیسو د دوشنبې په شپه د یادې پېښې په تړاو یو بل شکمن کس هم نیولی دی.
درې اونۍ مخکې د ۳۹ ویتنامي کډوالو مړي د برتانیا په سوېلي سیمه کې په یوه یخچالي لارۍ کې وموندل شول. خو د یادو قربانیانو کورنۍ تر اوسه پورې د هغوی د جسدونو ترلاسه کولو ته انتظار باسي. ویتنامي چارواکو له کورنیو څخه غوښتلي چې د مړو له سوځولو سره موافقه وکړي.
برتانوي چارواکي وایي چې د سه شنبې په ورځ یې مانش کانال کې ۸۶ کډوال نیولي دي. یاد کډوال غوښتل چې د مانش کانال له لارې برتانیا ته ځان ورسوي.
د يو نوي راپور له مخي و بريتانيې ته قاچاق کېدونکي ماشومان د قاچاق وړونکی د جبري کار او جنسي تېريو قربانيان وي. اروپا د قربانيانو پېژندلو او ژغورلو ته په کافي اندازه اړين امکانات نه لري.