د ملګرو ملتونو د کډوالو ادارې عالي کمیشنرۍ ( UNHCR ) اعلان کړی چې په ټول پاکستان کې به راجستر افغان کډوالو ته « سمارټ کارت» وویشي. په همدې موخه د تیرې پنجشنې په ورځ د اپریل په ۱۵ مه په اسلام اباد کې د اسنادو د نوي کولو او د معلوماتو د تصدیق پروسه رسما پرانیستل شوه.
د راپورونو په حواله پرون چهارشنبه د اپریل میاشتې ۷مه ایراني چارواکو ۱۳۴ پاکستاني کډوال د تفتان پولې له لارې پاکستان ته اخراج کړي دي.
په افغانستان کي پر تاوتريخوالي سربيره دغه هيواد ته له نورو هيوادونو څخه تر ۷۲۰۰۰ زياتو انسانانو پناه وړې ده. د م.م. په حواله د هغوی اکثريت په بېوزلۍ کي ژوند کوي.
د پاکستان حکومت او د ملګرو ملتونو د کډوالو ادارې - يو اين ايچ سي آر - پاکستان کې مېشتو افغان کډوالو لپاره د نویو سمارټ کارتونو د ورکولو پروګرام دغه هیواد کې د کورونا ويروس ناروغۍ د چټکوالي له امله ځنډولی دی.
ايران تېره اونۍ لږ ترلږه ۱۱۳ پاکستاني کډوال د پاکستان چارواکو ته سپارلي دي. دغه کسان ایران ته په ناقانونه توګه داخل شوي وو او اروپا ته د تلو په تکل کې وو.
بوسنیا کې د لیپا کمپ او د بیهاچ ښار ترمنځ لسګونه مهاجر د سړکونو پر غاړو لیدل کېږي. دا هغه خلک دي چې د کروشیا له پولې اروپا ته د اووښتو شیبې شماري. کډوال نیوز د دغو مهاجرو د ژوند وضعیت د لیدلو په موخه بوسنیا ته تللی دی.
د ملګرو ملتونو د کډوالو اداري عالي کمیشنري( UNHCR) تر ادارې لاندې د افغان ښوونځیو شاوخوا ۵۰۰ ښوونکي چې یو شمیر يي له دندې ګوښه شوي، تیره پنجشنبه په پیښور ښار کې د یادې ادارې مخې ته د اعتراض په ډول راټول شوي ول او د خپلو حقونو غوښتنه يي کوله.
د پاکستان حکومت په دغه هیواد کې میشت راجستر افغان کډوالو لپار چې د کارتونو موده يي د ۲۰۱۵ کال په پای کې پای ته رسیدلي وي، د سمارټ په نوم نوي ځیرک کارتونه ویشي. دغه پریکړه د سه شنبې په ورځ د مارچ په ۱۶ د پاکستان د کابینې لخوا وشوه.
د پاکستان په خیبر پښتونخوا ایالت کې د راجستر افغان کډوالو د کارتونو د غځولو موده تیره ورځ په ازمایښتي ډول پیل شوه. چارواکي وايي چې یاده پروسه به د اپریل میاشت کې په رسمي ډول پیل شي.
سارا فرید او طاها صدیقي په پاکستان کې خپل ژورنالیستي فعالیتونه پیل کړي او همهلته یې له یو بل سره واده کړی دی. خو اوس له مجبورۍ په فرانسه کې اوسېږي او دلته د نوي ژوند د پیلولو لپاره زیار باسي.
دوی دواړو په پاکستان کې خپل ژورنالیستي فعالیتونه پیل کړي او همهلته یې له یو بل سره واده کړی دی. خو اوس له مجبورۍ په فرانسه کې اوسېږي او دلته د نوي ژوند د پیلولو لپاره زیار باسي.
د رسنیو د راپورونو له مخې پاکستان کې د ملګرو ملتونو له خوا افغان مهاجرو ته د قانوني اوسېدو لپاره د ورکړل شویو کارتونو موده غځېدله ده.