د دوبلین د هوکړې له مخې دا څرګنده شوې چې د يو کس د پناه غوښتنې د پروسې مسؤليت کوم اروپايي هيواد لري. خو ایا د ويزه لرونکي پناه غوښتونکي له پاره هم کوم اصل شته؟ د دغې پوښتنې ځواب په دغه لیکنه کې موندلای شئ.
د شمالي مقدونیا پولیس وایي چې د سه شنبې په ورځ یې په یوه لارۍ کې ۳۶ کډوال موندلي دي. دوی زیاتوي چې د لارۍ موټروان یې هم نیولی دی.
ځینې کډوال په ناڅاپه توګه له خپلو هیوادونو څخه تښتېدلي دي، ځینې نور یې مهاجرت ته تیاری نیولی. اوس پوښتنه دا ده چې کډوال اروپا ته د مهاجرت پر مهال کوم شیان له ځان سره اخلي. عکسونه یا ارزښتناک شیان؟ او یا جامې او پیسې؟ کډوال نیوز رپوټ ورکوي.
پورتګال په اروپا کې داسې یو هیواد دی چې د بېلابېلو لاملونو له کبله د کډوالو پر وړاندې نرم دریځ او سیاست لري. دغه هیواد د اروپا د هغو پروګرامونو په ترسره کولو کې برخه اخلي چې له مدیترانې څخه د ژغورل شویو کډوالو د وېشلو په اړه دي. بل لور ته پورتګال کې داسې کسان هم د پناه غوښتنه کوي چې په یوازې سر دغه هیواد ته ننوتلي دي. د دغو کډوالو وضعیت یو څه پیچلی دی. کډوال نیوز د پورتګال بوبادېلا مرکز ته تللی چې د لېسبون په شاوخوا کې موقعیت لري.
د سه شنبې په شپه (د جنورۍ ۲۲مه نېټه) پاریس کې یوه داسې رسنۍ په فعالیت پیل وکړ چې بنسټ یې د یو افغان کډوال له خوا اېښودل شوی. اټکل کېږي چې دغه سایټ د کډوالۍ په برخه کې فعالیت وکړي.
فرانسیس نګانو په ۲۰۱۳ کې فرانسه کې ناقانونه کډوال و، خو هغه اوس د فرانسې او د کامرون یو نامتو سوک وهونکی دی. ۳۲ کلن فرانسیس نګانو اوس په لاس وګاس کې اوسېږي او د اېم. اېم. اې له نامتو لوبغاړو سره سیالي کوي. دې رپوټ کې کډوال نیوز د فرانسیس نګانو د ژوند په هکله تاسو ته معلومات درکوي.