بوسنیا یوه له هغو هیوادونه ده چې اروپا ته راتلونکي زرګونه پناه غوښتونکي پکې ایسار پاتې دي. ډېری دغه مهاجر هغه افغانان دي چې له جګړو څخه تښتېدلي او غواړي چې اروپایي هیوادونو ته ځان ورسوي. افغان مهاجر جمال* چې له شاوخوا درېو کلونو راهیسې په بوسنیا کې اوسېږي، کډوال نیوز ته د خپلو سترګو لیدلی حال وایي.
د کروشیایي چارواکو په حواله د کروشیا پوله ساتونکو د دغه هیواد ګلینا سیمه کې د افغان مهاجرو یوه څلور کسیزه ډله موندلې چې ویل کېږي د کروشیا پر لاره یې پیسې او موبایلونه په تاوتریخجنه توګه غلا شوي دي. یاد مهاجر پولیسو د زاګرب د پناه غوښتونکو مرکز ته انتقال کړي دي.
د ډنمارک د کډوالۍ شورا په حواله د بوسنیا او کروشیا پر ګډه پوله کروشیایي سرتېرو یوه افغانه مهاجره ځورولې، ورته یې د چړې په واسطه ګواښ کړی او اړ یې کړې چې خپل ټول کالي وباسي.
بوسنیا کې د ملګرو ملتونو سازمان پرون دوشنبه د کروشیا او بوسنیا پر ګډه پوله د مهاجرو ډله ییز اخراج او تاوتریخوالي ته د پای ټکي ایښودلو غوښتنه وکړه. په وینا یې د اپریل پر ۲مه مرستندویان او د بشري حقونو سازمانونه د کروشیا او بوسنیا پر پوله د مهاجرو له یوې ډلې سره مخ شوي چې بر بدنونو یې ټپونه لیدل کېدل او کاليو ته یې اړتیا درلوده.
د کروشیا پولیس وایي تېره پنجشنبه د دغه هیواد په یوه مرکزي سیمه کې ماین چاودنې یو مهاجر وژلی او څو تنه نور یې ټپیان کړي دي. دا ماین د ۱۹۹۰ کلونو جګړو څخه پاتې شوی و.
د ملګرو متلونو د کډوالۍ نړیواله اداره (IOM) له اروپايي ټولنې او غړو هیوادونو يي غواړي چې پر خپلو ځمکني او سمندري پولو کې د کډوالو، په ځانګړي ډول د ماشومانو پر وړاندې د فشارونو، اخراج او تاوتریخوالو د درلو په اړه عاجل اقدام وکړي.
اقغان کډوال محمد امین ابراهیمي ۳۰ ځلې هڅه کړې چې له بوسنیا څخه خپله کورنۍ کروشیا ته انتقال کړي خو د سرحدي پولیسو لخوا يي مخه نیول شوې. نوموړی له اروپايي ټولنې غواړي چې د کډوالو پر مخ دې خپلې دروازې پرانیزي.
اسوشیتید پرس خبري آژانس لیکلي چې د بوسنیا په شمال کې د لیپا په نوم د کډوالو کمپ له سوزیدنې وروسته، په سیمه کې د درنې واورې وریدنې او د سړې هوا له امله سلګونه تنه سوزیدلو خیمو کې ګیر پاتې.
د ژمي په را رسېدو سره د بوسنیا په شمال ختیځه سیمه کې سلګونه مهاجر د سرپناه له نشتوالي شکایت کوي. ډېری دغه کسان غواړي چې د کروشیا د پولې په اوښتو سره اروپایي هیوادونو ته ځان ورسوي، خو اکثره وختونه دوی د کروشیا د پولیسو له خوا له تاوتریخوالي سره مخ کېږي.
اروپايي ټولنې د یوې اعلامیې په خپرولو سره اعلان وکړ چې د هغو تورونو په اړه تحقیقات پیلوي چې له مخې يي پر دغه کمیسیون د کروشیا پر پوله د کډوالو پر وړاندې د تاوتریخوالي د لاس لرلو تورونه لګول شوې و.
د بوسنیا په شمالي سیمه کې د مهاجرو مدافع بنسټونه د کروېشیایي پولیسو له خوا له پولې څخه د تېرېدونکو مهاجرو پر وړاندې د تاوتریخوالي د لوړې کچې په هکله خبرداری ورکوي. دوی د عینو شاهدانو له قوله وایي چې پولیس مهاجر وهي ټکوي، وسایل یې اخلي او یا په جنسي توګه یې ځوروي.
د بخښنې نړیوال سازمان په کروشیا کې د یو شمیر افغان او پاکستاني کډوالو پروړاندې د دغه هیواد سرحدي پولیس په وحشتناکه تاوتریخوالو تورنوي. دغه سازمان اروپايي هیوادونه هم په دغو تاوتریخوالو کې په لاس لرلو تورنوي.