د یونان حکومت د یوې نوې پرېکړې له مخې هغه کډوال چې له ۶ میاشتو راهیسې په دغه هیواد کې د مهاجر په توګه پېژندل شوي، اړ دي چې خپل د اوسېدو ځایونه پناه غوښتونکو ته ورکړي. دغه ځایونه د اروپایي ټولنې د یو پروګرام په چوکاټ کې یوازې پناه غوښتونکو ته ځانګړي شوي دي. اوس مهال په زرګونو وزګارو کډوالو پر دې اندېښمن دي چې ښايي یو ځل بیا په سړکونو کې ژوند وکړي.
د پنجشنبې په ورځ (د اپریل ۱۸مه) شاوخوا ۵۰ سازمانونه په یوه رپوټ کې وویل چې یونان کې د کډوالو پر وړاندې تاوتریخوالی مخ په زیاتېدو دی. یاد سازمانونه وایي چې اروپا کې د راتلونکو ټاکنیزو کمپاینونو پر مهال ښايي د کډوالو وضعیت نور هم خراب شي.
د شمالي مقدونیې پولیس د دغه هیواد پر شمالي لویه لاره یوه لارۍ درولې چې د صربستان په لور یې ۵۸ مهاجر لېږدول. بل لور ته د یونان پولیس وایي چې د جمعې په ورځ یې یوه لارۍ کې ۵۹ کډوال موندلي دي.
په تيرو درو مياشتو کي تر ۳۱۰ څخه زيات مهاجر د مديترانې پر لاري يا خو لادرکه سوي او يا ډوب سوي دي. د دغې غميزې سره يوه بله غميزه هم مل ده. هغه دا چي د موندل سوو اکثرو مړه سوو مهاجرو جسدونه نه پېژندل کيږي.
موریا کمپ د یونان په لېسبوس ټاپو کې موقعیت لري او دغه هیواد کې د کډوالو اصلي کمپ بلل کېږي. د رپوټونو له مخې موریا کې شاوخوا ۸۰۰۰ کډوال اوسېږي. یاد کډوال د نړۍ له بېلابېلو هیوادونو څخه راغلي او په ډله کې یې ګڼ شمېر افغانان هم دي. د ون هپي فامیلي په نامه یوه ټولنه موریا کمپ ته نږدې کډوالو ته یو کتابتون جوړ کړی. کډوال نیوز د دغه کتابتون له مسول محمد رضایي سره مرکه کړې.
د یونان ساحلي سرتېري وایي چې د یکشنبې په ورځ (د اپریل ۱۴مه) اژې سمندر کې یوه ښځه ډوبه شوې او ۵۱ نور کډوال ساموس ټاپو ته رسېدلي دي. د یوه بل خبر له مخې د یکشنبې په ورځ یوناني سرتېري اژې سمندر کې ۴۱ نور کډوال له ډوبېدو ژغورلي دي.
«د هیلې کاروان»: له څو میاشتو راهیسې د یونان په ټولنیزو شبکو کې د کډوالو د یو کاروان په اړه خبرې روانې وې. د یاد کاروان تنظیم کوونکي له کډوالو څخه غوښتل چې په یو ځای کې راټول شي او د شمالي اروپا په لور حرکت وکړي. اټکل شوی و چې دغه کاروان د اپریل په ۵مه نېټه شمالي اروپا ته خپل سفر پیل وکړي. خو یونان کې څه پېښ شول او یوناني چارواکي له دغه کاروان سره څنګه چلند وکړ؟
يونان له هغو مهاجرو څخه وغوښتل چي بيرته خپلو کمپونو ته ولاړ سي چي نورو اروپايي هيوادونو ته د سفر په نيت له کمپونو څخه د دغه هيواد شمالي سرحد ته تللي ول.
د یونان په موریا کمپ کې ګڼ شمېر کډوال په ډېرو سختو او ناامنو شرایطو کې ژوند تېروي. د دغو کډوالو په ډله کې د افغانانو شمېر خورا ډېر دی. موریا کمپ کې افغان کډواله زهرا حسیني خپل د سترګو لیدلی حال له کډوال نیوز سره شریک کړی دی.
د ۲۰۱۵ کال د کډوالۍ کړکېچ پر مهال شاوخوا ۸۵۰ زره سوریایي، افغان او پاکستاني کډوال هڅې وکړې چې د ترکیې له لارې یونان ته ولاړ شي. خو دغه سمندري لاره له ګواښونو ډکه وه. کډوال نیوز اژې سمندر کې د ژغورنې عملیاتو په اړه معلومات ورکوي.
د ترکیې د ساحلي ګارد په حواله نن سه شنبې د ترکیې په یو ساحل کې د کډوالو یوې کښتۍ اوښتو له کبله یو افغان ماشوم او درې افغانې ښځې مړې شوې دي.
اټن ښار کې د «اټن توره نقشه» په نامه یو نندارتون جوړ شوی دی. د یاد نندارتون هدف دا دی چې د نوې ټکنالوژۍ په مرسته لیدونکو ته د کډوالو پر وړاندې د ترسره شوېو تاوتریخجنو پېښو په اړه معلومات ورکړي.