زيات شمېر د کښتۍ سپرلي لا لادرکه دي
زيات شمېر د کښتۍ سپرلي لا لادرکه دي

په مديترانه کې د مهاجرو د يوې کښتۍ د حادثې له کبله په لسهاؤ د کښتۍ سپرلي ډوب شوي دي. په دې تړاو د ۳۰ ډوبو شوو مهاجرو خبرونه ورکول شوي دي.

په مديترانه کې د مهاجرو يوه بله غميزه رامنځ ته شوې ده. د قبرس يو ټاپو ته نږدې په ياد سمندر کې يوه کښتۍ د حادثې سره مخامخ شوې. د آلمان د خبري آژانس د خبر له مخې په دغه حادثه کې لږ تر لږه ۳۰ د کښتۍ سپرلي ډوب شوي او يو شمېر نور لادرکه دي. خو دا چې دغه پېښه ولې رامنځ ته شوې لا نه ده څرګنده.

د ياد خبري آژانس په خبر کې راغلي چې د ترکيې له خوا د ترکيې د ډموکراتيک شمالي قبرس ټاپو ته نږدې دغه واقعه د چهارشنبې (د ۲۰۱۸ کال د جولای ۱۹مه) په ماښام رامنځ ته شوه. زياته شوې چي د ترکيې سمندري ځواک په دې توانېدلی چې له ياد ساحل څخه ۱۲۰ انسانان وژغوري.

زياته شوې چي ژغورل شوي اکثر مهاجر د سوريې د هيواد سره تړاو لري او دا چې هغوی ترکيې ته انتقال کړل شوي دي. د پنجشنبې د ورځې په سهار لا د آژانس په وينا د ډوبې شوې کښتۍ د لادرکو سپرليو تلاښ ادامه درلوده.

دا لا تر اوسه نه ده څرګنده چي ډوبې شوي کښتۍ چېرې خپل سفر پېل کړی ؤ او پر کوم لور روانه وه.

انساني قاچاق وړونکي زيات وختونه د عربي هيوادونو مهاجر د ترکيې له جنوب څخه د شمالي قبرس پر لور بيايي. د هغه وروسته دغه انسانان کوښښ کوي چې د قبرس له ترکي اړخ څخه د اروپايي قبرس ساحې ته ځان ورسوي.


 

نورې ليکنې