الارم فون چارواکو ته د ژغورني عملیاتو په اړه خبر ورکوي
الارم فون چارواکو ته د ژغورني عملیاتو په اړه خبر ورکوي

که چېرې تاسې د مدیترانې په سمندرګۍ کې یاستۍ او له ستونزو سره مخ یئ، کولی شئ چې ۰۰۳۳۴۸۶۵۱۷۱۶۱ ته تېلېفون وکړئ. دا د رضاکارانو د یوې ډلې شمېره ده. دوی له ساحلي ګارد سره په تماس کې دي.

الارم فون چې په ۲۰۱۴ کې جوړ شوی د هغو کډوالو له پاره دی چې د مدیترانې په سمندرګۍ کې (له اژې سمندره تر البورانه پورې) له ستونزو سره مخ شوې دي. سلګونه رضاکاران هره ورځ د ۲۴ ساعتونو له پاره په الارم فون کې کار کوي. یاد خدمات په ۱۵ ژبو کې موجود دي.

الارم فون کې یو رضاکار حاتم کډوال نیوز ته وایي: «د ژغورنې عملیاتو ترسره کول زموږ کار نه دی. موږ یوازې چارواکو ته د کډوالو په اړه خبر ورکوو.»

تاسو په مدیترانه کې یاستئ او مرستو ته اړتیا لرئ؟

·   ساحلي ګارد ته تېلېفون وکړئ: لاسي تېلېفونونه یوازې په ساحلي اوبو کې کار کوي.

·   ساحلي ګارد تاسو ته ځواب نه درکوي؟ الارم فون ته تېلېفون وکړئ: ۰۰۳۳۴۸۶۵۱۷۱۶۱

یو رضاکار تاسو ته ځواب درکوي.

هغه کس چې تاسو ته ځواب درکوي له تاسو څخه د ځینو مسائلو په اړه پوښتنه کوي. تاسې باید لاندې پوښتنې ته دقیق ځواب درکړئ:

-  ایا له ساحلي ګارد سره په تماس کې یاستئ؟

-  چېرته یاستئ (ستاسو موقعیت په جي پي اس کې)؟ یاد موقعیت د لاسي تېلېفونونو په واسطه معلومېږي. که لاسی تېلېفون نه لرئ نو ځینو مهمو نښو ته اشاره وکړئ: ټاپوګانې، کښتۍ، پلټفارمونه...

-  څو بجې دي؟ ستاسو بېړۍ له کوم ځای څخه حرکت کړې ده؟

-  چېرته روان یئ؟

-  ستاسو د بېړۍ نښې: ډول، اندازې، رنګ، وضعیت...

-  بېرۍ کې څومره کسان شته؟ د ښځو، سړي او ماشومانو شمېر.

-  ایا په بېړۍ کې ټپی شوی کدوال هم شته؟ ایا روغتیایي خدماتو ته اړتیا لرئ؟

په پام کې ونیسئ چې د امنیتي لاملونو په خاطر ستاسو خبرې اترې ثبتېږي.

·  الارم فون له ساحلي ګارد او یا بشري کښتیو سره تماس نیسي. که پر وخت اقدام و نه شو نو الارم فون حق لري چې تجارتي کښتیو ته د کډوالو د وضعیت په اړه خبر ورکړي.

·   الارم فون ته یو ځل بیا زنګ ووهئ.



 

نورې ليکنې