د ښاغلي جمشیدي د فلم د یوي صحنې اسکرین شاټ. له یوټیوب څخه
د ښاغلي جمشیدي د فلم د یوي صحنې اسکرین شاټ. له یوټیوب څخه

د افغان فلم جوړوونکي جمشید محمودي نوی فلم د اسیایي سینماګانو په نړیوال فسټیوال (فیکا) کې، چې د فرانسې په وېسول ښار کې جوړ شوی و، د نړیوالو داورانو ستره جایزه وګټله.

د سه شنبې په شپه (د فبرورۍ ۱۲مه) د افغان فلم جوړونکي جمشید محمودي نوی فلم، «رونا، د عظیم مور»، د اسیایي سینماګانو په نړیوال فسټیوال (فیکا) کې، چې د فرانسې په وېسول ښار کې جوړ شوی و، د نړیوالو داورانو ستره جایزه وګټله.

تر دې مخکې د ښاغلي محمودي دغه فلم فرانسه کې د انالکو یا د ختیز ژبو او تمدنونو جایزه ګټلې وه.

«رونا، د عظیم مور» فلم د هغو افغان کډوالو په اړه دی چې په ایران کې کډوال دي.

 د یاودونې وړ ده چې د فیکا یا اسیایي سینماګانو په نړیوال فسټیوال کې تر ټولو ستره جایزه یا سیکلو دور ټبټي فلم جوړوونکي پېما تسېدېن ته د هغې د «جینپا» په نوم فلم ته ورکړل شوه.

همداراز د سوېلي کوریا فلم جوړوونکي کیم یور-ري د «سب-زیرو وېند» په نوم فلم هم د نړیوالو داورانو ستره جایزه وګټله. 

  د اسیایي سینماګانو نړیوال فسټیوال یا فیکا په ۱۹۹۵ کې د دوو فرانسوي فلم جوړوونکو ژان-مارک او مارتین تیروان له خوا جوړ شوی. دغه فسټیوال اسیایي فلمونو ته ځانګړی شوی دی.

په تېرو وروستیو کلونو کې د ځینو افغان فلم جوړوونکو فلمونه په نړیوالو فسټوالونو کې سترې جایزې ترلاسه کړې دي.

 


 

نورې ليکنې