د جمعې په ورځ (د اګست ۲۳مه) د فرانسې د کورنیو چارو وزیر کرستوف کاستانر وویل، د اروپایي هیوادونو ترمنځ د یوې پرېکړې له مخې اوشېن وایکنګ کښتۍ کې سپاره ۳۵۶ کډوال مالتا کې کوزېدلی شي. فرانسه وایي چمتو ده چې ۱۵۰ کډوال ومني.
د فرانسې د کورنیو چارو وزیر کریستوف کاستانر د جمعې په ورځ (د اګست ۲۳مه) وویل، اروپایي هیوادونه پرېکړه کړې چې اوشېن وایکنګ کښتۍ کې سپاره کډوال دې مالتا کې ښکته کړل شي. یاد کسان له ۱۴ ورځو راهیسې مدیترانه کې بند پاتې وو.
#OceanViking : les 356 personnes à bord, sauvées en mer Méditerranée la semaine dernière, vont pouvoir débarquer à La Valette.
— Christophe Castaner (@CCastaner) August 23, 2019
La France maintient sa solidarité : 150 seront accueillies dans les prochains jours sur notre territoire.
د دې پرېکړې له مخې «د اوشېن وایکنګ کښتۍ له خوا ژغورل شوي ۳۵۶ کډوال لا والت بندر کې کوزېدلی شي.» د فرانسې د کورنیو چارو وزیر په خپله ټویټر پاڼه لیکي، فرانسه چمتو ده چې کښتۍ کې سپاره ۱۵۰ کډوال ومني. نور کډوال به د جرمني، پورتګال، رومانیا، لوکزامبورګ او ایرلنډ ترمنځ ووېشل شي.
په همدې حال کې د بې سرحده ډاکټرانو نړیوال سازمان وایي «تر ۱۴ ورځو عذاب وروسته» کډوال بالاخره په مالتا کې کوزېدلی شي. دغه سازمان زیاتوي چې اروپایي ټولنه د کډوالو د هرکلي له پاره یوه مکانیزم ته اړتیا لري.
د لا زیاتو معلوماتو له پاره: له ۱۳ ورځو راهیسې په سمندر کې: اوشېن وایکنګ کښتۍ کې د سپرو کډوالو اوږد انتظار
🔴BREAKING @SOSMedIntl et #MSF soulagés d'apprendre qu'une solution a été trouvée par des États européens pour débarquer à Malte les 356 rescapés de l'#OceanViking. 14 jours de souffrance. Un mécanisme de débarquement européen et prévisible a été promis. Il doit être mis en place pic.twitter.com/EsbktFxzwb
— SOS MEDITERRANEE France (@SOSMedFrance) August 23, 2019
درې ورځې وړاندې د اوپن ارمز په نامه یوه بله ژغورونکې کښتۍ د یوې اروپایې موافقې پر بنسټ لمپدوسا بندر کې لنګر واچاوه. یاده کښتۍ ۱۹ ورځې په سمندر کې تېرې کړې وې.
د لا زیاتو معلوماتو له پاره:اوپن ارمز کښتۍ کې سپاره کډوال د ایټالیا لمپدوسا بندر کې ښکته شول