د شنبې په شپه (د سپټمبر ۱۴مه) د اوشېن وایکنګ په نامه ژغورونکې کښتۍ کې سپاره ۸۲ کډوال د ایټالیا په لامپدوسا بندر کې ښکته شول. یاد کډوال له مدیترانې څخه ژغورل شوي وو.
د شنبې په شپه د بې سرحده ډاکټرانو او اس او اس مدیترانې سازمانونو ژغورونکې کښتۍ اوشېن وایکنګ کې سپاره ۸۲ کډوال د ایټالیا په لامپدوسا بندر کې ښکته کړل شول.
ایټالیا د شنبې په ورځ له هغې وروسته یاده کښتۍ کې سپرو کډوالو ته خپله خاوره کې د کوزېدو اجازه ورکړه چې اروپایي هیوادونو د یادو کډوالو پر وېشلو توافق وکړ.
اوشېن وایکنګ د یکشنبې په ورځ اعلان وکړ چې د کډوالو د ژغورلو له پاره به بېرته د لیبیا ساحلي اوبو ته ولاړ شي.
UPDATE Transfer to Italian coast guard vessels to disembark the 82 rescued people onboard the #OceanViking to Lampedusa just started. @SOSMedIntl and @MSF_Sea teams are relieved that men, women and children have finally reached a safe place. pic.twitter.com/0EJ7jBwq7d
— SOS MEDITERRANEE (@SOSMedIntl) September 14, 2019
دغه کډوال د دوو بېلابېلو عملیاتو په پایله کې له مدیترانې څخه ژغورل شوي وو: ۵۰ تنه یې د سپټمبر په ۸مه د لیبیا له ساحلي اوبو څخه وژغورل شول، او ۳۴ نور کسان لومړی د جوزفا په نامه کښتۍ له خوا وژغورل شول او بیا اوشېن وایکنګ ته انتقال شول.
د چهارشنبې په ورځ یوه امېندواره ښځه او مېړه یې د روغتیایي لاملونو له کبله د مالتا د یوې الوتکې له خوا له کښتیه ښکته کړل شول.
تر دې د مخه د بې سرحده ډاکټرانو سازمان ویلي وو چې یاده کښتۍ کې ۵۸ سړي، ۶ ښځې او ۱۸ کم سنه کسان سپاره دي.
اوشېن وایکنګ د سپټمبر په ۲مه مدیترانه کې خپل دویم ماموریت پیل کړ. یاده کښتۍ د خپل لومړی ماموریت په ترڅ کې ۳۵۶ کسان له مدیترانې څخه ژغورلي وو.
UPDATE After the Italian coast-guards proceeded yesterday to a nine-hours Port State Control onboard the #OceanViking, which resulted to no major observation, the ship has just set sail to international waters to resume her lifesaving mission in the Central #Mediterranean pic.twitter.com/v1QuldS7AJ
— SOS MEDITERRANEE (@SOSMedIntl) September 16, 2019
د اروپایي هیوادونو ترمنځ موافقه
د اروپایي هیوادونو ترمنځ د یوې موافقې پر بنسټ به یاد کډوال د ایټالیا (۲۴)، فرانسه (۲۴)، المان ( ۲۴)، پورتګال (۸) او لوکزامبورګ (۲) له خوا ومنل شي.
د اوشېن وایکنګ د ژغورنې عملیاتو مشر نیکولا ستالا د شنبې په ورځ وویل: «د کډوالو تر کوزولو وروسته به اوشېن وایکنګ مرکزي مدیترانه کې د کډوالو د ژغورنې عملیاتونه بیا پیل کړي.»
د ایټالوۍ رسنیو په حواله اټکل دی چې اروپایي هیوادونه – فرانسه، المان، اسپانیا، لوکزامبورګ، رومانیا، پورتګال او مالتا – به د کډوالو د «وېشلو» له پاره یو لنډمهال میکانیزم جوړ کړي.