تصویر: آرشیف، د یونان په لیسبوس کې د کډوالو پنډغالی، فبروري ۲۰۲۰. کریډټ: الیاس مرکو، رویټرز.
تصویر: آرشیف، د یونان په لیسبوس کې د کډوالو پنډغالی، فبروري ۲۰۲۰. کریډټ: الیاس مرکو، رویټرز.

د فنلنډ د کورنیو چارو وزارت د شبنې په ورځ د یوې اعلامیې په خپرولو سره اعلان وکړ چې د قبرس، یونان، ایټالیا او مالتا هیوادونو د کډوالو له پنډغالو څخه ۱۷۵ تنه پناه غوښتونکو ته پناه ورکوي.

په اعلامیه کې راغلي چې د پناه اخیستونکو له ډلې د افغانستان او سوریې وګړو په ځانګړې ډول ښځې، ماشومان او کورنیو ته د پناه په ورکولو کې لومړیتوب ورکوي.

په یاده اعلامیه کې د فنلنډ د کورنیو چارو وزیرې ماریا اویزالو له قوله راغلي چې هیواد يي د اروپايي هیوادونو د یوه سرحدي هیواد په توګه اروپا کې د کډوالۍ کړکیچ اوږدمهاله حل لارې ته ژمن دی.

د فنلنډ د کورنیو چارو وزارت د معلوماتو له مخې دغه هیواد په ۲۰۱۹ کال کې ټولټال شاوخوا ۲۵۰۰ تنه کډوالو ته پناه ورکړې او همدارنګه د ۲۰۱۹ کال په لومړیو شپږو میاشتو کې ۱۸۹ افغانانو ته پناه ورکړل شوې.

 

نورې ليکنې