د ايټاليا په بولای سيمه کي ناقانونه مهاجرو ته په کښتونو کي د کار اجازه ورکول سوې
د ايټاليا په بولای سيمه کي ناقانونه مهاجرو ته په کښتونو کي د کار اجازه ورکول سوې

پاتريک ماير اشپز دی او کله چي يې ريستورانت د کرونا له کبله وتړل سو نو هغه په باغونو کي د مېوې شکونې د کارګر په توګه کار پېل کړ. دغه کار په اصل کي د رومانيا څخه راتلونکو موسمي کارګرو کاوه.

له ايټاليې څخه تر بريتانيې پوري د کرونا ويروس د مخنيوي له پاره پر سفرونو محدوديتونه لګول سوي دي. دغه محدوديتونه په کښتونو کي د حاصلاتو د راټولولو د کارګرو د سلهاؤ زرو کارګرو د کمښت سبب سوي دي. داسي بيري مخ په زياتېدو دي چي ښايي زياته برخه زراعتي حاصلات له رېبلو او يا شکولو پرته په کښتونو کي وراسته سي.

آلمان او فرانسې تر مخه لا داسي پروګرامونه معرفي کړي په کومو کښي چي د کرونا د بحران له کبله د تازه بې روزګاره سوو کسانو څخه په باغونو ا کښتونو کي د کاګرو په توګه د کار اخيستلو امکانات برابريږي. بريتانيه به هم د اټکل له مخي په نژدې وخت کي ورته يو پروګرام اعلان کړي.

هسپانيه هيواد چي د مېوو او سبزيجاتو د توليد يو مهم اروپايي هيواد دی، اعلان کړی چي غير قانوني مهاجرو ته به اجازه ورکړي چي د بې روزګارو کسانو تر څنګ په کښتونو او باغونو کي کار وکړي. په ايټاليا هيواد کي هم دغه مفکوره تر بحث لاندي ده. خو په ايټاليا کي داسي بيري هم رابرسېره سوي دي چي داسي نه چي مافيايي کړۍ او ډلې دغه نوي اصول د انسانانو د استثمار او زبېښاک له پاره په ناوړه توګه ونه کاروي.

دمګړی په آلمان کي د هغو زميندارانو او کښګرو سردرد زيات دی چي د شپارګل يا مارچوبه په نوم خوراکي سابه کرلي دي. دا ځکه چي د دغو موسمي خوراکي سبزي د رېبلو وخت رارسېدلی دی. دغه سبزي نه يوازي دا چي په آلمان کي زښت زيات محبوب يو ډول ملي خواړه دي بلکه د زياتو آلمانيانو له پاره د پسرلي د پېل نخښه هم وي. آلمان په ټوله نړۍ کي د دغه سبزي توليد کوونکی څلورم لوی هيواد دی او هرکار شاوخوا ۱۳۰ زره ټنه دغه سبزي توليدوي.

آلمان د مارچ له ۲۵مې نيټي راهيسي خپل سرحدونه تړلي او تازه يې اعلان کړی دی چي د اپريل او می په مياشت کي به په بنديزونو کي نرمښت راولي چي نژدې ۸۰ موسمي کارګر آلمان ته وکولای سي چي راسي.

آلمان يوه ځانګړې انټرنټ پاڼه هم جوړه کړې چي مقصد يې د ۲۰ زرو ځايي بېروزګارانو، مؤقتي بې کارانو او د پناه غوښتونکو توجه په باغونو او کښتونو کي کارونو ته ورجلب کړي.

پاتريک ماير د مسلک له مخي اشپز دی. هغه په يو ريستورانت کي کار کوي. خو کله چي يې ريستورانت د کرونا له کبله وتړل سو نو هغه په باغونو کي د مېوې شکونې د کارګر په توګه کار پېل کړ. هغه د رويټرز خبري آژانس ته ويلی: «دا کار زما د کار سره ډېر زيات فرق لري... د اشپز په توګه زه بايد له دماغ څخه زيات کار واخلم خو په زراعت کي په لوړه اندازه بدني قوت په کار اچول کيږي او څوک د ورځي په پای کي ډېر ستړی وي

په کښتونو کي د کارګرو تشي په آلمان کي و پناه غوښتونکو ته نوي د روزګار مواقع هم رامنځ ته کړي دي. دا هغه کارونه دي چي په اصل کي د پولنډ، بلغاريې، رومانيې او هنګري څخه راتلونکي موسمي کارګر يې کوي او حد اقل في ساعت مزدوري يې ۹ يورو او ۳۵ سېنټه ده.

پاتريک ماير په زراعت کي د موسمي کارګرو سخت کار ته په اشاره سره وايي: «زه د دوی کار ته سلام کوم ځکه چي يو واحد آلمانی به ښايي دغه کار کولو ته چمتو نه سي.» ماير زياتوي چي په کښت کي د کار کولو وروسته نور خپل ځان او نورو آلمانيانو ته په تنقيدي نظر ګوري ځکه چي په وينا يې «دومره کهاله دي» چي د خپلي خاوری حاصل لا نه سي راټولای.

 

نورې ليکنې