په افغانستان کي بېځايه سوې کورنۍ / آرشيف انځور
په افغانستان کي بېځايه سوې کورنۍ / آرشيف انځور

په افغانستان کي د روان کال له پیل راهیسي څه د پاسه ۱۰۰ زره انسانان د هیواد په دننه کي له جګړو او نښتو له امله له خپلو کلو او ښارونو څخه تیښتي ته مجوره سوي . د هغوی له نیمایی څخه زیاته برخه کوچنیان او تنکي ځوانان جوړوي.

د ملګرو ملتو د بشري مرستو د همږغي کولو سازمان د رپوټ په حواله ددغو کسانو نیمايي برخه د هیواد د شمالي ولایتونو له جنګ ځپلو سیمو څخه تښتیدلي کسان دي.

د ملګرو ملتونو په حواله له جنورۍ میاشتي راهیسي د افغانستان د ۳۴ ولایتونو له جملې څخه له ۳۰ ولایتونو څخه خلک تیښتي ته مجبوره سوي.

د هغوی ۵۹ سلنه هغه کوچنیان او تنکي ځوانان دي چي عمرونه یې تر اتلس کلنۍ کښته دي. په تیرو کلونو کي شاوخوا ۴۲۶ زره انسانان د داخلي کډوالو په توګه ثبت سوي دي.

دا چي هغوی به تر اوسه پوري په کډوالي کی ژوند کوي او که څنګه د ملګرو ملتو په حواله جګړه ځپلو سیمو ته د ورتګ د مشکلاتو له امله دا موضوع نه سي روښانه کیدلای. د اټکلونو له مخي په افغانستان کي څه د پاسه ۳۰ میلیونه انسانان ژوند کوي.

د دغه رپوټ په حواله د سولې پر پلان سوو خبرو سربیره، د طالب ملیشو او افغان حکومت ترمنځ وسله واله شخړه لاپسي زیاته سوې.

کارپوهان دا موضوع په دې ډول څرګندوي چي دواړي خواووي غواړي له دغو خبرو اترو مخکي خپل دریځ د پوځي بریا له لاري لا پسي قوي کړي. د اختر په شپو او ورځو کي دواړو خواوو پر یوه درې ورځني اوربند باندي توافق کړی دی.

منبع: آلمان ږغ پښتو څانګه


 

نورې ليکنې