روغتیایي اپلېکېشن الیا ټک. انځور: الیا ټک
روغتیایي اپلېکېشن الیا ټک. انځور: الیا ټک

ډېری مهاجر په فرانسه کې د ژبې له ستونزې سره مخ دي او ډاکټرانو ته د مراجعې په صورت کې ژباړونکو ته اړتیا لري. خو اوس د دې ستونزې د حل لپاره د الیا ټک په نامه یو اپلېکېشن جوړ شوی چې د مهاجرو خبرې فرانسوي ژبې ته ژباړي.

الیا ټک (AALIA.tech) یو غږیږ اپلېکېشن دی چې د ډاکټر او ناروغ ترمنځ خبرې په ساده، روانه او څرګنده ژبه ژباړي. الیا ټک د روغتیا په برخه کې د مهاجرو او ډاکټرانو ترمنځ د اړیکو د ټینګولو دنده پر غاړه لري.

دغه اپلېکېشن په څو ژبو فعالیت کوي. افغان مهاجر کولی شي چې له ډاکټرانو سره په پښتو او یا فارسي وغږېږي.

د الیا ټک جوړوونکې فرانسوۍ انجنیره سامه ګلوسي ده چې یوه مدني فعاله هم ده. نوموړې غواړي چې د دې اپلېکېشن په جوړولو سره روغتیایي برخه کې له مهاجرو او بهرنیانو سره مرسته وکړي.

نمای از صفحه اپلیکیشن آلیا تک روی تلفون. عکس: آلیا تک
نمای از صفحه اپلیکیشن آلیا تک روی تلفون. عکس: آلیا تک

دغه اپلېکېشن څومره ګټه وړ دی؟

الیا ټک بهرنیانو ته لاندې اسانتیاوې برابروي:

  • په اسانه او روانه ژبه د ناروغانو او ډاکټرانو ترمنځ اړیکه ټینګوي
  • د ناروغیو د تشخیص په برخه کې د غلطیو مخه نیسي
  • په بېړنیو او غیر بېړنیو شرایطو کې د ناروغ او ډاکټر ترمنځ د افهام او تفهیم زمینه برابروي
  • د معاینې پر وخت درېم کس ته اړتیا نشته. ډاکټر او ناروغ له یو بل سره غږېدلی شي. دا په دې مانا چې روغتیایي مسایل خوندي پاتې کېږي.
  • د دواړو ترمنځ خبرې اپلېکېشن کې ثبت او صحي متخصص ته وړاندې کېږي.

څوک الیا ټک کارولی شي؟

ټول هغه بهرنیان چې فرانسه کې اوسېږي خو فرانسوي ژبه یې نه ده زده، لکه مهاجر، محصلین، بهرني کارګر او داسې نور.

پاریس کې افغان مهاجر یما سراج له الیا ټک سره په مارکېتېنګ او تخنیکي برخو کې کار کوي. هغه الیا ټک ته د فارسي او پښتو ژبو واردولو کې ونده لري. دغه اپلېکېشن د پاریس سټېشن اف کې د افغانستان سفیر په حضور معرفي شو.

الیا ټک دلته ډاونلوډولی شئ.

 

نورې ليکنې

Webpack App