د امریکا متحده ایالتونو الوتکه ۶۴۰ کسان له کابل څخه قطر ته لیږدولی. انځور: د امریکا هوايي پوځ
د امریکا متحده ایالتونو الوتکه ۶۴۰ کسان له کابل څخه قطر ته لیږدولی. انځور: د امریکا هوايي پوځ

ناټو وايي چې د کابل هوايي ډګر په ګڼه ګوڼه کې تیره اونۍ ۲۰ کسان چې له افغانستان څه د وتلو هڅه يي درلوده وژل شوي دي. په وژل شویو کې ۴ میرمنې هم شاملې دي.

وروسته له هغه چې د اګست په ۱۵ طالبان د کابل ښار ته ننوت زرګونه افغانان له افغانستان څخه د تیښتې په موخه د کابل هوايي ډګر خواته هجوم یووړ چې لاهم د میدان او شواخوا سیمو کې د خلکو ګڼه شتون لري.

د ناټو یو چارواکي رویټرز خبري آژانس ته د یکشنبې په ورځ وویل چې یوازې تیره اونۍ ۲۰ تنه افغانان د کابل هوايي ډګر او شاوخوا سیمو کې خپل ژوند له لاسه ورکړی.

د یوبل خبر له مخې د جرمني ځواکونو نن دوشنبه وویل چې د کابل په هوايي ډګر په شمالي دروازه کې  د نامعلومو وسله والو او امنیتي ځواکونو په نښته کې یو تن  افغان ساتونکی وژل شوی او درې نور ټپان دي.

وسله والو طالبانو د کابل هوايي ډګر د ګډوډیو مسولیت پر بهرنیو ځواکونو اچوي او وايي چې دوې د دغو ګډوډیو مسول نه دي.

د کابل په هوايي ډګر کې له تیرې څه باندې یوې اونۍ راهیسې د بهرنیو ځواکونو لخوا د یو شمیر افغانانو ایستل پیل شوي چې تر دې مهال څه باندې ۲۰ زره بهرنیان او افغانان له افغانستان څخه ایستل شوي دي.

نور ولولئ:د کابل هوايي ډګرکې د خلکو هجوم؛ فرانسې سفارت له خلکو غوښتي چې د سفارت شاوخوا سیمې پریږدي

په ټولنیزو رسنیو کې داسې تصویره خپاره شوي چې د کابل هوايي ډګر کې د ننه میرمنې، ماشومان په بد وضعیت کې ایسار پاتي. یو شمیر خلک له رسنیو سره په خبرو کې ویلي چې له ورځو انتظار وروسته دوې د څښاک اوبو او خوراکي موادو ته لاسرسۍ نه لري.

د افغانستان د ملکي هوايي چلند اداره نن دوشنبه د اګست په ۲۳ پر افغانانو غږ وکړ چې د حامد کرزي نړیوال هوايي ډګر ته ولاړ نه شي. یاده اداره په یوه بیانیه کې په دې اړه ویلي: « د حامد کرزي له نړیوال هوايي ډګر څخه تر امر ثاني پورې ټول پروازونه دریدلې. ټولو مسافرینو او هیوادوالو ته چې له میدان څخه ولایتونو او یا له هیواد څخه بهر د سفر هوډ لري، خبر ورکول کیږي چې د ګڼې ګوڼې د مخنیوي له امله میدان ته رانه شي.»

یاده اداره وايي چې هغه خلک چې د سفر لپاره قانوني اسناد ولري له اړوندو نهادونو لخوا د سفر لپاره ورسره اړیکه نیول کیږي.د ملکي هوايي چلند اداره زیاتوي چې پر داسې یو پروسیجر کارکوي چې په نږدې راتلونکي کې داخلي او خارجي پروازونه له سره پیل کړي.

 

نورې ليکنې