ژغورونکي د مدیترانې په سمندر کې د مهاجرو د یوې کښتۍ مرستې ته راغلي دي. انځوریز انځور. کریډیټ: MSF
ژغورونکي د مدیترانې په سمندر کې د مهاجرو د یوې کښتۍ مرستې ته راغلي دي. انځوریز انځور. کریډیټ: MSF

د کډوالۍ نړیوال سازمان ( IOM) د شنبې په ورځ خبر ورکړ چې یوه وړه کښتۍ چې ۳۵ کډوال په کې سپاره ول د لیبیا په سواحلو کې ډوبه شوې.

یاده پیښه د لیبیا د صبراته ښار په سواحلو کې شوې چې تر دې مهال د شپږو تنو مړي له اوبو څخه ایستل شوي او ۲۹ نور لادرکه دي. د کډوالۍ نړیوال سازمان یاده پیښه غندلې او ویلي يي دي چې په مدیترانه کې د انسانانو دامداره وژل باید په یو عادي امر بدل نه شي.

دغه سازمان په خپله بیانیه کې ویلي چي له یوې اونۍ راهیسې د لیبیا په سواحلو کې ۵۳ تنه ناقانونه کډوال مړه او لادرکه شوي دي.

لیبیا د هغو کډوالو لپاره د ترانزیت یوه مهمه لاره بلل کیږي چې غواړي له افریقايي هیوادونو څخه د مدیترانې له لارې ځانونه اروپا ته ورسوي. د شمیرو له مخې د کال له پیل راهیسې لږ تر لږه ۴۷۵ تنه له همدې لارې څخه د تیریدو په هڅه کې په مدیترانه کې مړه شوي دي.

نور ولولئ:د لیبیا په ساحلي اوبو کې ۷۵ مهاجر ډوب شوي دي

 

نورې ليکنې