د بلغاریا رسنیو راپور ورکړی چې پولیسو ۳۴ ناقانونه کډوال له دوه کامیون موټر څخه چې فرانسې او جرمني ته يي سوداګریزي توکي لیږدولې، موندلي دي. دغه کډوال د موټرو د ننه په لرګي او نورو سوداګریزو توکو کې ځانونه پټ کړي وو.
د آلمان سرحدي پوليسو يو بار وړونکی موټر راګرځولی چې پکښي اته سوريايان د بار په ځای کې پټ کړل شوي ول.
د آلمان د پوليسو صنفي اتحاديې ويلي دي چې هره اونۍ شاوخوا ۱۵۰۰ کسان په ناقانونه ډول د آلمان پولو ته د ننه کیږي. دوې اټکل کوي چې آلمان ته به په ناقانونه توګه د داخلېدونکو شمېر نور هم زيات شي.
د بلغاریا د کورنیو چارو وزرات تازه شمیرې ښيي چې په د روان کال په لومړیو دوو میاشتو کې، ۱۲۷۸ کډوال چې ډیری يي په بلغاریا کې په ناقانونه ډول میشت ول، نیول شوي دي. د اوکراین یو اوسیدونکی د کډوالو د قاچاق په تور نیول شوی.
بریتانیا کې چارواکي وايي، هغه پنځم کس يي د کډوالو د قاچاق په تور نیولی چې خلک يي په وړو کښتیو کې، په ناقانونه ډول بریتانیا ته لیږدول. د دغې ډلې څلور تنه نور غړي تیره میاشت نیول شوي وو.
د ترکيې او عربي هيوادونو زيات شمېر مهاجرو هدف و آلمان ته رسېدل وي. خو دغه ناقانونه او خطرناک سفر لپاره قاچاق وړونکي زياتي پيسې اخلي.
د بلغاریا دولتي ټلویزیون راپور ورکړی چې د یوې اوه میاشتنۍ مینداوره ښځې او یو پوځي سړي په ګډون هغه درې تنه بلغاریایان يي نیولي چې کډوال يي په ناقانونه ډول لیږدول.
د ترکیې ساحلي ساتونکو د شنبې په سهار د پنځو کډوالو مړي وروسته له هغه و موندل چې د دغه هیواد د آیدین ښار په سواحلو کې د دوې کښتۍ په آژه سمندر کې ډوبه شوه. د یو ماشوم په ګډون ۱۱ تنه نور له کښتۍ څخه ژغورل شوي دي.
یوه ویډیو چې تازه کډوال نیوز ته رسیدلې، ایټالیا کې د کډوالو د کښتیدو له ډوبیدو څو ساعته وړاندې ثبت شوې. په کښتۍ کې د معصوم قاسمي کورنۍ او خپلوان ایټالیا ته له رسیدو څو ساعته وړاندې سمندر کې ډوبیږي. افغان کډوال معصوم قاسمي او د کورنۍ ۶ غړي يي هڅه کوي چې له ترکیې څخه ایټالیا ته ورسیږي.
د برېتانیا امنیتي ځواکونو د تېرې سه شنبې په ورځ له بلجیم څخه دغه هېواد ته د کډوالو د انتقال په تړاو څلور کسان نیولي دي. بل لور ته بیا د فرانسې د سنت بریو محکمې یو تن د کډوالو د قاچاق په تور په ۴ کاله بند محکوم کړی.
د چک جمهوريت پوليس توانېدلي دي چې په انساني قاچاق کې ښکېل يوې نړيوالې ډلې ته ضربه ورکړي. په دې ترڅ کې څو تورن کسان نيول شوي دي.
د سلوانیا پولیس، ۱۳ تنه په دې تور نیولي چې کډوال يي د بالکان له لارې اروپايي هیوادونو ته په ناقانونه ډول لیږدول. قاچاقچیان د سلواني، صربیا او بوسنیا اصلي اوسیدونکي دي چې د کډوالو د قاچاق له اړخه يي ۳ میلیونه یورو ګټه ترلاسه کړې.