انګلیس کانال

• افغانستان
• بریتانیا

د بریتانیا د کورنیو چارو وزارت ویلي چې د کال په لومړیو دریو میاشتو کې د پناه غوښتنې شمیر ۵۵۱۴۶ ته لوړ شوی چې له دې سره په تیرو دوو لسیزو کې د پناه غوښتنې شمیر تر ټولو لوړې کچې ته رسیدلی. د بخښنې نړیوال سازمان حکومت په دې اړه په ناکامۍ تورنوي او وايي چې د پناه غوښتونکو دوسیو ته يي په وخت سره رسیدنه نه ده کړې. د یاد وزارت په راپور کې همدارنګه ویل شوي چې فرانسې څخه بریتانیا ته د کښتیو له لارې د رسیدلو کډوالو لویه برخه افغانان دي.

• بریتانیا
• رونډا

د بریتانیا د کورنیو چارو وزارت منلي چې یو شمیر هغه پناه غوښتونکي يي نیولي چې رونډا ته يي د استولو په اړه پریکړه شوې.چارواکي ویلي چې بریتانیا ته په وړو کښتیو کې رسیدلي دغه خلک اوس په توقیف مرکزونو کې ساتل کیږي. نیول شویو کسانو کې یو افغان هم شامل دی.

• فرانسه
• افغانستان
• بریتانیا

مطفی افغان، زبیر ارسلان ایراني او جهاد محمد وصفی عراقي کرد هغه درې تنه کډوال دي چې د فرانسې له شمالي ساحل څخه يي د ۲۰۲۱ کال په مني کې په وړو کښتیو کې له سختو کړاوونو وروسته ځانونه بریتانیا ته رسولي. له مرګ څخه ژغورل شوي دغه کډوال چې اوس په لندن کې اوسیږي له کډوال نیوز سره د خپل سفر په اړه خبرې کړي.

• فرانسه
• بریتانیا
• رونډا

د بریتانیا حکومت پریکړه کړې چې هیواد ته يي په ناقانونه ډول رسیدلي پناه غوښتونکي به رونډا هیواد ته واستوي. د حکومت له دغه خبردارۍ سربیره په تیرو څو ورځو کې سلګونه پناه غوښتونکي په ناقانونه ډول بریتانیا ته رسیدلي دي.

• بريتانيا
• رونډا

وروسته له هغه چې بریتانیا پریکړه وکړه چې د انګلیس چینل له لارې تلونکي کډوال به رونډا هیواد ته واستوي، دا لومړی ځل دی چې نن یکشنبه ۲۵۴ کډوال له همدغې لارې له فرانسې څخه بریتانیا ته رسیږي.

• بريتانيا

د پناه غوښتنې شخړیزه مسوده چې چارواکو ته له برېتانیا څخه روندا ته د ناقانونه کډوالو د ستنولو اجازه ورکوي پرون پنجشنبه تصویب شوه. د برېتانیا د کورنیو چارو وزیر پریتي پاتل دا یوه «تاریخي شېبه» بللې ده، خو سازمانونه بیا وایي چې دا یوه «غمجنه ورځ» ده. دوی ټینګار کوي چې په پام کې لري د دغه قانون پر وړاندې محکمو ته شکایت وکړي.

• بريتانيا
• روانډا

د روندا او لندن د نوي تړون له مخې د انګلیس کانال له لارې برتانیا ته رسېدلي کډوال افریقایي هیواد روندا ته استول کېږي. د برېتانیا حکومت په پام کې لري چې د دغه تړون په لاسلیکولو سره د انګلیس کانال له لارې دغه هیواد ته د کډوالو د اوښتو مخه ونیسي.

• بريتانيا

د برېتانیا د کورنیو چارو وزارت وایي چې تېره شنبه پر څلورو کښتیو سپاره ۱۳۲ کډوال د انګلیس کانال له لارې دغه هیواد ته رسېدلي دي.

• بريتانيا
• افغانستان

د بریتانیا استخباراتي کارپوهانو خبردارۍ ورکړی چې شاوخوا نیم میلیونه افغانان د طالبانو له واکمنیدو وروسته هیواد پریښودو ته اړ شوي چې ګڼ شمیر يي اروپا او بیا د انګلیس چینل له لارې بریتانیا ته روان دي. بریتانوي چارواکو د کډوالۍ د دغې نوې څپې سره د مقابلې لپاره خبرې کړي.

• فرانسه

د فرانسې د شمالي سمندر او مانش قومندانۍ په یوه خبرپانه کې ویلي چې د دغه هیواد سمندري ځواکونو په انګلیس یا مانش کانال کې هغه ۳۶ کډوال ژغورلي‌ دي چې غوښتل یې برتانیا ته واوړي.

• فرانسه

ټاکل شوې ده چې د انګلیس کانال له لارې برتانیا ته د کډوالو د اوښتو د مخنیوي لپاره د فرانسې په شمالي سواحلو کې امنیتي کمرې ولګول شي. برتانیا د دغو کمرو د لګولو لګښت ورکوي.

• بريتانيا

د برتانیا د کورنیو چارو وزارت د انګلیس کانال له لارې برتانیا ته د اوښتونکو کډوالو د موبایلو ضبط او پلټل سم کار بولي. د یاد وزارت مدافع وکیلانو د برتانیا سترې محکمې ته ویلي، چارواکي کولی شي چې د کډوالو د موبایلونو په څېړلو سره د قاچاق وړونکو په هکله معلومات ترلاسه کړي.