د برېتانیا امنیتي ځواکونو د تېرې جمعې په شپه لیورپول ښار کې ۱۵ مظاهره کوونکي نیولي دي. له دې ډلې څخه یو تن یې په تاوتریخوالي تورن شوی او په بند کې دی، خو پاتې نور یې په ضمانت له بنده خوشي شوي. دغو کسانو د کډوالو پر ضد لاریون کړی و.
د عيسوي کال د نوي کېدو په شپه د آلمان په برلين ښار کې پر پوليسو او نورو چارواکو بريدونه تر سره شول. په نيول شوو تورن کسانو کې زيات مهاجر هم شامل دي.
په پاکستان کې د طالبانو سفارت د یکشنبې په ورځ وویل چې په تیرو دریو میاشتو کې د پاکستان له زندانونو څخه د شاوخوا ۲۰۰۰ افغان کډوالو له ډلې ۵۰۰ تنه يي خوشي شوي. بل پلو د بښنې نړیوال سازمان په پاکستان کې د افغان کډوالو په اړه اندیښنه څرګنده کړې او د دغه هیواد له لومړي وزیر څخه يي غوښتي چې دغلته د افغانانو ساتنه وکړي.
د آلمان د اې آر ډي او نورو رسنيو په راپورونو کي ويل شوي دي چي احتمالا د بلغاريې چارواکو له خوا پر يو مهاجر ډزي شوي دي.
کډوال نیوز د هغو انجمنونو لیست چمتو کړی چې په پاریس کې له هغو بهرنیو میرمنو سره مرسته کوي چې د تاوتریخوالي قرباني وي. دغه انجمنونه د ټیلفون او یا هم په خپلو دفترونو کې دغه خدمات وړاندې کوي.
بلغاریا هغه ادعاوي نه دي منلي چې ګواکې سرحدي ځواکونو يي د اکتوبر په میاشت کې یو سوریايي کډوال په ډزو وژلی. په یوه ویډیو کې چې د دوشنبې په ورځ خپره شوې لیدل کیږي چې د بلغاریا پر پوله یو ځوان پر سینه او لاس په مرمۍ ویشتل کیږي او بیا پر ځمکه راغورځیږي.
د بشري حقونو د څار سازمان د جمعې په ورځ په یو تازه راپور کې وویل چې د ۲۰۲۱ له اګست میاشتې راهیسې ترکیه په منظمه توګه افغان کډوال د ایران پر لوړ شړي او یا یې په زوره افغانستان ته استوي. په راپور کې راغلي دي چې ترکیه کې افغان کډوالو ته چانس نه ورکول کېږي چې د نړیوالې ساتنې غوښتنه وکړي.
د ترکیې پولیسو د پنجشنبې په ورځ وویل چې د دغه هېواد پلازمېنه انقره کې یې په یوه کور کې د پنځو افغان کډوالو مړي موندلي دي. ویل کېږي چې دغه افغانان په چړو وژل شوي دي.
د برېتانیا د دوور په سوېلي بندر کې پرون یکشنبه یوه سړي د کډوالو په مرکز کې اور اچوونکي وسایل غورځولي دي. دا برید وروسته له هغه کېږي چې د تېرې شنبې په ورځ نږدې ۱۰۰۰ کډوالو د انګلیس کانال له لارې ځانونه برېتانیا ته ورسول.
یوناني چارواکي وایي د ترکیې امنیتي ځواکونو د کډوالو یوه ډله چې شمېر یې ۹۲ تنو ته رسېږي دې ته اړ کړې چې په لوڅ حالت کې د اوروس سیند له لارې یونان ته واوړي. ډېری دغه کسان د افغانستان او سوریې اتباع دي. په ورته مهال ترکیې د دې ادعا په ردولو سره له یونان څخه غوښتي دي چې د کډوالو پر وړاندې له غیرانساني چلنده لاس واخلي.
د بخښنې نړیوالې ادارې په خپل تازه راپور کې لتویا کې له هغو پناه غوښتونکو سره پر ناسم او تاوتریخجن چلند نیوکه کړې ده چې له بېلاروس له پولې دغه هېواد ته اوښتي دي.
واک ته د طالبانو له رسېدو سره زیات شمېر افغانان د خپل هېواد پرېښودو ته اړ شوي دي. د یادو افغانانو په ډله کې له قومي او مذهبي اقلیتونو سره تړاو لرونکي کسان هم دي چې په افغانستان کې یې ژوند له خطر سره مخ دی.